Qishloq va suv xo’jaligi vazirligi

Taloqni tekshirish. 
Taloq qon hosil bo’lish (limfopoez) jarayonida, shakilli elementlarini parchalashda (asosan 
eritrositlar), organizmning immun tizimi shakillanishi va himoya reaksiyalarida ishtirok etadi; 
asosiy qon zahirasi (umumiy qonning 15%) saqlanadigan joy hisoblanadi; nuklein kislotalari, 
protoporfirin, xolesterin sintezida va temir almashinishida ishtirok etadi. Taloq darvoza venasi 
orqali jigar ishiga ta’sir qiladi; jigar holati taloq ishiga ham ta’sir ko’rsatadi.

---

128
Hayvonlarda taloq chap oxirgi qovurg’alar ostida joylashgan bo’ladi. Kavshovchi 
hayvonlarda katta qorin devoriga, boshqa hayvonlarda oshqozon devoriga tegib turadi. Taloq 
paypaslash, perkussiya va punksiya usullari bilan tekshiriladi.
Qoramolda taloq sog’lom bo’lsa katta qorin ostida joylashganligi uchun tekshirishlar natija 
bermaydi. Leykoz, kuydirgi, exinokokkoz, taloqning yiringli yallig’lanishida, taloqning 
kattalashishi va qalinlashishi natijasida, chap oxirgi qovurg’alar osti paypaslanganda va perkussiya 
qilinganda taloq joylashgan joy og’riqli bo’ladi va o’tmasroq tovush eshitiladi.
Zarurat tug’ilganda chizig’idan chap tomondan, 12- qovurg’aning maklok chizig’idan, bel 
umurtqalari ko’ndalang o’simtalaridan 5-8 sm pastdan punksiya qilinib, olingan punktatdan surtma 
tayyorlanib, bo’yalib, gistologik va gistokimyoviy tekshirishlar o’tkaziladi, tekshirish natijasi taxlil 
qilinadi.
Otlarda taloq chap oxirgi qovurg’alar orasida joylashgan. Shu joy perkussiya qilinganda 
sog’lom hayvonlarda bug’iqroq tovush eshitiladi. Otlarda taloqni ichki paypaslash - rektal tekshirish 
orqali ham tekshirish mumkin. Bunda taloqning joylashgan joyi, kattaligi, shakli, yuza xususiyati va 
og’riq bor-yo’qligini aniqlash mumkin.
Cho’chqa, it, mushuklar stolga, o’ng biqiniga yotqizilib, oxirgi qovurg’alar osti paypaslanadi 
va perkussiya o’tkaziladi. Taloq leykoz kasalligida kattalashadi va aniq paypaslash mumkin.
Hayvonlarda taloqni laporoskopiya, rentgenoskopiya, rentgenografiya usullari bilan ham 
tekshirish mumkin. Rentgenologik tekshirish uchun oshqozonga yoki qorin bo’shlig’iga havo 
yuboriladi.