Qatnashchilar: Usmon Nosir shoir Nosir hoji otasi Xolambibi aya onasi Rohatoy

Xolambibi aya: voy, o’lay. Hojim nimalar bo’lyapti?
Nosir hoji: shunchaki tekshiruv, onasi. Tekshiruvda.
Xolambibi aya: voy, sho’rimiz qurib qoldi. Inobat bolam, bor, opalaringni aytib kel. Akamni olib ketishgani keldi deb ayt. Oldingga solib kel bolam. Voy, o’lay. Endi nima qilamiz, hojim?
Nosir hoji: hhammasi joyida. Shunchaki tekshiruv.
( ular chiqishadi)
Xolambibi aya: o’g’lim nima gunoh qildi? Yakkayu,yolg’iz o’g’limning gunohi nima?
Inspector: o’g’lingiz dushman. Xalq dushmani. Hozirgina hibsga oldik. O’g’lingizni sho’rolar davlatiga qarshi harakatlaridan bexabarmidingiz?
Nosir hoji: unday demang, unday demang, birodar. Biz o’g’limizga yaxshi tarbiya berganmiz. Bizning o’g’limiz Samarqand, Moskov haligi shahar maktablarida tahsil olgan. Qolaversa, hamma Usmonxonni o’ziniyam, ijodiniyam hurmat qiladi.
Inspektor: hammasi bekorchi gaplar. Mana bu chamadondagi fotonusxalar, hujjatlar, qo’lyozmalar, qopdagi kitoblar hammasi biz bilan birga ketadi. Daliliy ashyo sifatida.
Usmon: menga qarang, nimasi bor bularni axir.
Inspector: Klyopov olib chiqinh mashinaga bularni.


(singillari keladi)
Singillari: akajon, aka.
Inspector: xayrlashinglar.
Nosir hoji; Usmonxon. (mazasi qochadi)
Usmon: dada. Dadajon. (quchoqlab) hammasi yaxshi bo’ladi. Meni aybim yo’q. albatta qo’yib yuborishadi. Hammasi xato. Bularni hammasi xato. Ey, yig’lamanglar.(singillariga) sizlar katta bo’lib qoldinglar. Ayam bilan dadamga qaranglar. Men tez orada qaytaman. Aya (onasini oldiga boradi) ayajon
Xolambibi aya; onang o’lsin, bolam. Onaginang o’lsina.
Usmon: ayajon, bo’ldi bas qil.
Ko’kragingga bosh qo’yayin
Mast bo’layin chaqaloq kabi
To’ysin o’ksik o’g’ling tashna qalbi.
Ayajon, bo’ldi bas qil. Bas. Bo’ldi yig’lama. Qara, qara aya, derazaning ko’lida baxtli kunlar oyi suzadi.