Qarshi muhandislik iqtisodiyot instituti ishlab chiqarishda buxgalteriya hisobi

1.4-chizma. 2018-yil yanvar-dekabr holatiga O’zbekiston Respublikasi hududlar bo’yicha aholi jon boshiga umumiy daromadlari, ming so’m.

2018 yilda O‘zbekiston aholisining umumiy daromadlari 286,3 trln so‘mni, bir kishiga o‘rtacha hisoblaganda 8,7 mln so‘mni tashkil etdi. Aholi umumiy daromadlarining real o‘sish sur’ati 10,3 foizni, aholi jon boshiga umumiy daromadlar 8,686 mln so‘m, aholi jon boshiga real umumiy daromadlar esa 7,391 mln so‘mni tashkil etdi.

Aholi umumiy daromadining 71,1 foizi mehnat faoliyatidan, 23,5 foizi esa transfertlardan iborat bo‘ldi. Shuningdek, mol-mulkdan olingan daromadlar 3,5 foiz, shaxsiy iste’mol uchun o‘zida ishlab chiqarilgan xizmatlardan olingan daromadlar 1,8 foizni tashkil etdi.

Mol-mulkdan olingan daromadlar 33,5 foizga o‘sib, 9,9 trln so‘mga yetdi. Bunda Toshkent shahrining ulushi 69 foizdan iborat bo‘ldi.

Transfertlardan olingan daromadlar tuzilmasida ijtimoiy to‘lovlar 38,7 foiz, boshqalar esa (chet ellardan pul o‘tkazmalari va boshqalar) 61,3 foizni tashkil etdi.

Pensiya, nafaqa va stipendiyalar hajmining o‘zgarishi aholi umumiy daromadining 2,3 foizga o‘sishini ta’minladi. Chet eldan pul o‘tkazmalari hajmi 64,6 foizga, ularning aholi umumiy daromadidagi ulushi 3 foizga oshdi.

Xorazm (23,2 foiz), Samarqand (19,3 foiz) va Andijon viloyatlariga xorijdan eng ko‘p pul jo‘natilgan. Navoiy (5,1 foiz), Toshkent (5,4 foiz) va Jizzax (6,2 foiz) viloyatlari aholisi eng kam pul olgan.