Qarshi davlat univеrsitеti

-lik qо‘shimchasi. Mavhum ot yasovchilar tarkibiga kiruvchi bu qo‘shimcha ot, sifat va ravish turkumiga oid so‘zlar yasaydi. Ot turkumiga oid so‘zlardan so‘z yasalish asosi anglatgan shaxs, narsa-predmetning xususiyati bilan bog‘liq holda tug‘ishganlik, qarindoshlik munosabatini bildiruvchi, shaxs hayotining davri (bosqichi)ni bildiruvchi, amal, unvon nomini bildiruvchi kabi shaxs otlarini yasashda xizmat qiladi. Shuningdek, kasb egasini bildiruvchi ( kulol, naqqosh, dastgohsoz, rassom, o‘ymakor, haykaltarosh, hunarmand kabi) so‘zlarga qo‘shilib, kasb-hunar nomini bildiruvchi ot yasaydi: dastgohsoz+lik, kulol+lik, rassom+lik, naqqosh+lik, tuproqshunos+lik, o‘ymakor+lik,

haykaltarosh+lik, hunarmand+lik, tandirchi+lik, xumchi+lik, ko‘zachi+lik, chizmakash+lik, charxchi+lik, tandirchi+lik, dastgohsoz+lik kabi.

Ko‘rinib turibdiki, turmush tarzida kasb-hunarning turi hamda ularni bajaruvchi shaxsni bildiruvchi so‘zlar ko‘p.
Bundan tashqari –lik affiksi kasb egasini bildiruvchi so‘zlarga qo‘shilib, shu kasb-hunar egalari faoliyat ko‘rsatadigan (shu kasb-hunarga oid) joy (hudud) ma’nosini bildiruvchi ot yasaydi: gilkor+lik, kandakor+lik, sangtarosh+lik, chizmakash+lik kabi. Hozirgi vaqtda –lik affiksi yordamida bu tipdagi yangi so‘z yasalishi deyarli yo‘q darajada. ¹
Qolaversa, -lik affiksi sifat va ravishlarga (belgi bildiruvchi so‘zlarga ) qo‘shilib belgi oti yasaydi. Qizil+lik, tasviriy+lik, olovbardosh+lik, kabi soha terminlarida ham asos (qizil, tasviriy, olovbardosh )ga, ya’ni belgi bildiruvchi sifatlarga –lik affiksi qo‘shilishi natijasida belgi otlari yasalgan va natijada belgi otlarning ma’nosi yanada aniqlashgan.
Bu murakkab qo‘shimcha kulol otiga qo‘shilib soha nomini yasaydi: kulol+chilik, rassom+chilik, chizma+chilik, hunarmand+chilik, sopol+chilik kabi terminlar asos (kulol, rassom, chizma, hunarmand)dan anglashilgan narsa bilan shug‘illanuvchi soha, tarmoq ma’nosini ifodalovchi affiks sifatida qo‘llaniladi.