Qarshi davlat univеrsitеti

SIFAT+OT: gajakgul, gajakbarg, oq rang, yashil rang, moviy rang, sariq rang, havo rang, oq yo‘l.
SON+OT: qo‘shxat, uchxat, to‘rtxat, chorbarg kabi.

2. 
   Qaratqich-qaralmish sintagmasini eslatadigan qo‘shma so‘zlarning tarkibiy tuzilishi quyidagicha:
   

OT+OT: ustaboshi, najjorboshi, anorgul, bodomgul, qalampirgul, nokgul, pistagul, qovoqgul, gulqo‘chqaroq, jiydagul, chumchuqqanot, qarg‘atirnoq, gilosbarg, pistagul, tolbarg, nokbarg, qovoqbarg, qalampirgul, pistagul, qovoqgul, anjirgul, choybarg, o‘smagul, palakgul kabi.

BOB BO‘YICHA QISQA XULOSA

1. 
   Lingvistik adabiyotlarda so‘zlar tuzilishiga ko‘ra sodda, qo‘shma, juft va takroriy singari turlarga ajratib o‘rganiladi. Terminologiya sohasida esa til birliklari birikma shaklida ham qo‘llanilishi ta’kidlanadi. O‘zbek tilining kulolchilik leksikasi bo‘yicha olib borgan kuzatishlarimiz ham o‘zbek tilshunosligida qayd etilgan nazariy fikrlarni to‘la isbotlaydi. Sohaga oid leksik birliklarni tuzilishiga ko‘ra sodda, qo‘shma va birikmali terminlar sifatida o‘rganish mumkin.
   
2. 
   O‘zbek tilining kulolchilik leksikasi tarkibidagi yasama so‘z va atamalar umumtil so‘z yasalish sistemasi qoidalari va prinsiplari asosida yuz bergan. Kulolchilik buyumlari, bu buyumlarda ishlangan chizma, shakl va bezak nomlari, kulolchilik kasbi bilan shug‘ullanuvchi shaxs nomlari so‘z yasalishining quyidagi usullari asosida yuz bergan va shakllangan.
   
3. 
   O‘zbek tilining kulolchilik terminologiyasida affiksatsiya usulida yasalish eng sermahsul usullardan sanaladi. Soha terminologiyasini yasashda -chi, -gir, -xona, -kash, -kor, -don, -lik, - chilik, -simon singari affikslar faol ishtirok etishi kuzatildi. Ularning yasash unumdorligi turlichadir.
   
4. 
   So‘zlarni qo‘shish yoki sintaktik usul bilan yasalish ham soha terminologiyasi uchun xos xususiyatdir. Bunday yasalishning quyidagi qoliplari mavjudligi kuzatildi: OT+OT, SIFAT+OT, SON+OT.