Qarshi davlat universiteti republic of uzbekistan ministry of higher and secondary edication

Savol va topshiriqlar:

1.	Drayver nima?
2.	Windowsda drayver-fayllar qanaqa kengaytmalarga ega?
3.	Rezident va yuklanuvchi norezident drayver tushunchasi.
4.	Drayver tiplari haqida ma’lumot.
5.	Minidrayver va port-drayver tushunchasi.
6.	Qurilma drayveri caplavhasi maydoni tarkibi.
7.	So‘rov sarlavhasi nima?

Mavzu №6.

KOMPYUTERNING XOTIRA QURILMALARIGA XIZMAT KO‘RSATISH


Reja:
1. Kompyuterning xotira qurilmalari haqida ma’lumot.
2. Magnit disklar va ularning ichki fizik tuzilmasi.
3. Qattiq diskka xizmat ko‘rsatish.


Tayanch tushunchalar: xotira; ichki va tashqi xotira; registrli, tezkor va kesh xotiralar; magnit disklar; disk ichki tuzilmasi; formatlash; SMART texnologiyasi.


1. Kompyuterning xotira qurilmalari haqida ma’lumot.
Kompyuterning dastur va ma’lumotlarni qayta ishlash va saqlab qo‘yishga mo‘ljallangan qismi xotira deb ataladi.
Kompyuterning xotira qurilmalari asosan ikkita katta guruhga bo‘linadi: ichki va tashqi xotira qurilmalari.
Mashina xotirasi uchun ularni xarakterlovchi asosiy kattaliklar mavjud bo‘lib, ular: hajm⁴ va murojaat vaqti⁵dir.
Mashina xotirasining hajmi unga joylashadigan axborotning maksimal miqdori bilan belgilanadi va baytlarda o‘lchanadi.
Xotira uchun murojaat vaqti deganda, vaqt birligida unga yoziladigan, undan o‘qiladigan va unda qidiriladigan axborotlarning o‘rtacha miqdori tushuniladi va bit/sek larda o‘lchanadi.
Ichki xotira qurilmalari quyidagilarga bo‘linadi:

• 
  Registrli xotira.
  
• 
  Tezkor xotira (RAM).
  
• 
  Kesh xotira.
  
• 
  Maxsus xotiralar:
  
  • 
    Doimiy xotira (ROM).
    
  • 
    CMOS RAM.
    
  • 
    Videoxotira
    

Tashqi xotira qurilmalari esa quyidagilarga bo‘linadi:

• 
  Magnit disklar:
  
  • 
    Floppi disk (iste’moldan chiqib ulgurgan).
    
  • 
    Qattiq disk:
    
    • 
      Ichki qattiq disk (maxsus kabel orqali tizimli plataga ulanadigan).
      
    • 
      Tashqi qattiq disk (kompyuterga USB orqali ulanadigan).
      
• 
  Optik va magnitooptik disklar.
  
• 
  Magnitli lentalar.
  
• 
  Qattiq jismli yarimo‘tkazgichli xotiralar.