Qarshi davlat universiteti iqtisodiyot kafedrasi davlat boshqaruvida inson resurslari

Kadrlarni baholash va oʻqitishning korporativ tizimini yaratish. Strategik maqsadlar va rejalarni amalga oshirishga qaratilgan trening.
A. Xodimlar faoliyati samaradorligini tahlil qilishda ularning bugungi kungacha erishgan yutuq va kamchiliklari e’tiborga olinadi. Bu odatiy amaliyot har bir xodimning faoliyatini yaxshilashga va uning vakolatlarini rivojlantirish darajasini koʻtarishga imkon beradi.
B. Ta’lim ehtiyojlarini baholash usullarining nomukammalligi. Davlat xizmati xodimlarining reytingi 10-12 koʻrsatkichlar asosida tuzilib, uni hisoblash va tahlil qilishda koʻp vaqt va kuch sarflanadi. Rahbarlar uchun har bir xodimning faoliyatini barcha sohalar boʻyicha tahlil qilish juda murakkab, vaholanki, davlat xizmatlari tashkilotlarida bir vaqtning oʻzida xodimlarning ijtimoiy, ma’naviy, intellektual va boshqa barcha koʻrsatkichlarini yaxshilashga harakat qilinadi.
Rahbarlar uchun baholash markazi (assessment-markaz). Ushbu usul koʻpgina davlat xizmatlari tashkilotlarida koʻp yillardan beri qoʻllanilib kelinmoqda. Vaqt oʻtishi, davrning yangilanishi, lavozimlarga talablar oʻzgarayotganligi munosabati bilan davlat xizmatchilarini baholash yoʻnalishlari oʻzgarib boradi. Ayrim rahbarlar bu uslubda ishlab chiqilgan jarayonlarning barcha bosqichlarini kadrlar xizmati xodimlari bilan birga oʻtdilar. Shuning uchun ular baholash jarayonida yuqori ball olish uchun qanday hatti-harakatlarni namoyish etish kerakligini juda yaxshi bilishadi.
Rahbarlarning anketa soʻrovlari. Rahbarlar har doim ham har bir xodimning stajirovkasi, malaka oshirishi yoki kasbiy qayta tayyorgarligi nuqtai-nazaridan qancha muddatda, qaysi yoʻnalishda va qachon oʻqiganligini kuzatib bora olmaydi. Agar davlat xizmatchilari odatdagi dasturlar yoʻnalishini mustaqil ravishda tanlasalar (taym-menejment, nizolarni hal qilish va b.), unda koʻpincha xodimlar bir xil dasturga muvofiq bir necha marta oʻqishlari yoki umuman oʻqimasliklari mumkin. Agar rahbarlarga davlat xizmatchilarining oʻqishini shu tashkilotda yoki uning tashqarisida oʻtkazish vakolati yuzasidan qaror qabul qilishga ruxsat berilsa, u tashkilotda mazkur masalalar bilan shugʻullanuvchi boʻlim tashkil etadi yoki davlat xizmatchilari oʻqishini tashkil etish, muvofiqlashtirish va nazorat qilish masalalarini bajarishni boshqa boʻlimga buyruq asosida yuklaydi.