Qarshi davlat univers

Tadqiqot obyekti va predmeti. “Ma’naviyat” tushunchasi yoritilgan mumtoz adabiyot, lug’atlar, ma’naviyatning tushuncha sifatidagi mazmun-mohiyati, ijtimoiy vazifalari va jamiyat taraqqiyotidagi ahamiyati to’grisidagi ko’plab tadqiqotlar, ilmiy-ommabop va publisistik asarlar, kitob va risolalar hamda uzluksiz ta’lim tizimida o’rganilayotgan ma’naviyatga doir fanlarning o’quv dasturlari hamda darsliklari tadqiqotning obyektini tashkil qiladi.
“Ma’naviyat” tushunchasining tadqiqotchilar tomonidan talqin qilinishi va metodologik jihatdan anglanishi tadqiqotning predmeti hisoblanadi.
Tadqiqot maqsad va vazifalari.

“Ma’naviyatni o’rganishning metodologik asoslari” mavzusini magistrlik dissertatsiyasi ishi uchun olishdan asosiy maqsad:
– turli ilmiy adabiyotlar, ta’lim tizimidagi ma’naviyatga oid fanlar darsliklari va o’quv dasturlarida ma’naviyatning tushuncha sifatida yoritilishi va mazmun-mohiyatini nechog’lik ochib berilganini ilmiy tahlil etish;

5
– ma’naviyatga oid predmetlararning o’zaro bog’liqligi, uzviyligi va davomiyligini

qiyosiy o’rganish orqali mavjud yutuqlarni va muammoli masalalarni aniqlash. Ushbu maqsaddan kelib chiqib tadqiqot oldiga quyidagi vazifalar qo’yildi: 1. “Ma’naviyat” tushunchasining atama sifatida shakllanishi hamda uning
mumtoz va zamonaviy ilmiy adabiyotlarda, lug’atlarda izohlanishini tahlil etish; 2. Umumta’lim maktablari, akademik litsey va kasb-hunar kollejlarida
o’rganiladigan ma’naviyatga oid fanlar darsliklari va o’quv dasturlaridagi yutuq va kamchiliklarini tahlil qilib, ularning ilmiy metodologik kamchiliklarini ochib berish;
3. Oliy ta’limning bakalavr va magistratura bosqichida ma’naviyatga oid mutaxassislik va nomutaxassislik yo’nalishlarida o’qitiladigan fanlar o’quv dasturlarini ilmiy-falsafiy, metodologik tahlil qilish va ulardagi mavjud muammolarni ko’rsatib, taklif va tavsiyalar berish;
4. Ma’naviyat masalalarini o’rganishda predmetlararo bog’liqlikdagi muammolarni ko’rsatish hamda tegishli xulosalar va takliflar bildirish.