Qarori davlat soliq xizmati organlari faoliyatini yanada takomillashtirish chora-tadbirlari to‘G‘risida

5-bob. Hududlararo inspeksiya rahbarlarining javobgarligi
17. Hududlararo inspeksiya boshlig‘i:
Hududlararo inspeksiyaga yuklangan vazifa va funksiyalarning bajarilishi;
mazkur Nizomning 13-bandida nazarda tutilgan Hududlararo inspeksiya javobgarligi sohalari bo‘yicha;
mazkur Nizomning 14-bandida belgilangan o‘z funksional vazifalarining sifatli bajarilishi uchun shaxsan javob beradi.
18. Hududlararo inspeksiya boshlig‘i o‘rinbosarlari:
Hududlararo inspeksiyaning mutasaddilik qilinadigan tarkibiy bo‘linmalari tomonidan Hududlararo inspeksiyaga yuklangan vazifa va funksiyalarning bajarilishi;
mutasaddilik qilinadigan masalalar bo‘yicha qismida mazkur Nizomning 13-bandida nazarda tutilgan Hududlararo inspeksiya javobgarligi sohalari bo‘yicha;
mazkur Nizomning 15-bandida belgilangan o‘z funksional vazifalarining sifatli bajarilishi uchun shaxsan javob beradilar.
19. Hududlararo inspeksiyaning tarkibiy bo‘linmalari rahbarlari:
tegishli tarkibiy bo‘linmalariga yuklangan vazifa va funksiyalarning amalga oshirilishi;
vakolatiga kiradigan masalalar bo‘yicha mazkur Nizomning 13-bandida nazarda tutilgan Hududlararo inspeksiya javobgarligi sohalari bo‘yicha;
mazkur Nizomning 16-bandida belgilangan o‘z funksional vazifalarining sifatli bajarilishi uchun shaxsan javob beradilar.
20. Hududlararo inspeksiyaning xodimlari:
o‘z funksional vazifalarini bajarmaslik yoki to‘laqonli bajarmaslik, ijro intizomini buzganliklari;
noqonuniy harakatlari (harakatsizligi) oqibatida yirik soliq to‘lovchilarga moddiy va ma’naviy zarar yetkazganliklari;
o‘zlarining noqonuniy harakatlari (harakatsizligi) oqibatida yirik soliq to‘lovchilarning ishlab chiqarish hajmi kamayganligi va soliqqa tortish bazasining pasayganligi;
qonun hujjatlariga muvofiq bo‘lmagan qarorlar qabul qilganliklari;
qonun hujjatlarida nazarda tutilgan boshqa huquqbuzarliklar uchun qonun hujjatlarida belgilangan tartibda javob beradi.
6-bob. Hududlararo inspeksiya faoliyatini tashkil etish