Muammoning oʻrganilganlik darajasi: Amalda qoʻllanilayotgan tasviriy san'at dasturida oʻquvchilarga chizish uchun tavsiya etilayotgan mavzular mazmunining qiziqarli boʻlishiga e'tibor berildi. Dasturda bolalar uchun qiziqarli mavzularni faollashtirish usullarini amalga tadbiq etishni yoʻlga qoʻyishga xarakat qilindi. Shu sohada olib borilgan tadqiqotlardan biri M.Nabiev va B.Azimovning “ Rasm chizishni oʻrganish metodikasi” darsliklari tahlil etildi. (“Oʻqituvchi” Toshkent 2005.y). Shuningdek B.K.Azimovaning “Natyurmort chizish va tasvirlash metodikasi”. (Toshkent, “Oʻzbekiston” nashri. 1984) kitoblariga tayangan xolda mavzu yoritildi. Ushbu darsliklardan farqli oʻlaroq bitiruv malakaviy ishida zamonaviy manbalar, xozirgi yosh avlodning qiziqishlari inobatga olingan xolda ijodiy yondashib yangi metodalar va tavsiyalar ishlab chiqildi. Maktablarda olib borilgan kuzatishlar orqali, bolalarning oʻzlari qiziqadigan mavzular asosida chizgan rasmlari kabi boshqa mavzulardagi chizilgan rasmlar sifat koʻrsatkichlari samaradorligini oshirish yoʻllari koʻrsatib oʻtildi. Bitiruv malakaviy ishining maqsadi: Maktabda tasviriy san’at mashg‘ulotlarining samaradorligini oshirish. Maktab yoshidagi bolalar ongini tasviriy san’at darslaridagi koʻnikma va bilimlarini boyitib borish. Bugungi kunda tasviriy san’at mashg‘ulotlari yangi pedagogik texnologiyalar asosida olib borilayotganligini inobatga olib, tasviriy san’at mashg‘ulotlari oʻquvchilarga asosiy estetik tarbiya vositasini berish, tasviriy san’at mashg‘ulotlari bolalarning eng sevimlim mashg‘ulotlariga aylantirishdan iborat.
Bitiruv malakaviy ishining ob’yekti:Oʻrta ta’lim maktablari oʻquv jarayoni, oʻquvchilari misolida. Tasviriy san’at mashg‘ulotlarini olib borish va oʻquvchilar faoliyatini kuzatish.
Bitiruv malakaviy ishining predmeti: Davlat ta’lim standartida belgilangan umumiy talablar va nizomlar, oʻrta ta’lim maktablari uchun moʻljallangan tasviriy san’at mashg‘ulotlarini tashkil etish borasidagi darsliklar.
Bitiruv malakaviy ishining vazifalari: Yuqoridagi fikrlardan kelib chiqqan xolda quyidagi vazifalar belgilandi;
tasviriy san’at mashg‘ulotlarini samaradorligini oshirish va uni ta’lim sohasiga tadbiq etish;
maktab darsliklari asosida rasm chizish qoidalarini bolalarga oʻrgatish;
tasviriy san’at darslari orqali bolalarni estetik tarbiyalash;
tasviriy san’at mashg‘ulotlari orqali oʻquvchilarning iste’dodini shakllantirishga doir fikr- mulohazalarni oʻrganish.