Qadimgi dunyo fizikasi

ELLINLAR DAVRIDA FIZIKA FANI

I. Yunonistonda fan va madaniyatning ravnaqi. Birinchi akademiya va liseyning tashkil etilishi. Fizikaning fan sifatida shakllanishi. Moddalar tuzilishi atom nazariyasining yuzaga kelishi.

Ellada-qadimda Yunoniston davlati yunon tilida shunday atalgan. Bu davlat O’rta yer dengizining Sharqida joylashgan. Ellinlar davri miloddan avvalgi IV-I asrlarni o’z ichiga oladi (Miloddan avvalgi 323-30 yil, ya’ni Misr Rimga bo’ysundirilgan yilgacha).

Miloddan avvalgi V asrlardan boshlab fan va madaniyatning buyuk vakillari fizika fani taraqqiyotida yangi davrni boshlab berishdi. Ushbu davrda olamdagi narsalarning tuzilishi to’g’risida atom nazariyasi vujudga keldi.