Punktuatsiya

 
11. KURS ISHINI YOZISH YUZASIDAN AMALIY TAVSIYALAR 
 
2.1. MAVZU REJASINI TUZISH 
Kurs ishining rejasini tuzishdan oldin talaba mavzu bo‘yicha tavsiya etilgan barcha ilmiy 
manbalarni sinchiklab o‘rganishi, ularni tahlil qilishi lozim bo’ladi. Mavjud ilmiy manbalarni 
o‘rganish asosida talaba mavzuning o‘rganilganlik darajasi haqida to‘liq tasavvurga ega bo‘ladi. 
Shundan so‘ng u kurs ishi mavzusini yoritishda qanday masalalarga e'tibor qaratish joizligi haqida 
mushohada yuritadi va mavzuni yoritish rejasini tuzadi.
Kurs ishi mavzusi bo‘yicha tuzilgan rejada quyidagi masalalarga e'tibor qaratish maqsadga 
muvofiq: 
1. Kurs ishining umumiy tavsifini yoritish. Bu masala 
"Kurs ishining umumiy tavsifi"
bandida yoritiladi. 
2. Kurs ishi mavzusining o‘rganilganlik darajasi haqida ma'lumot berish, mavzuga oid ilmiy 
manbalarga tanqidiy munosabat bildirish. Bu masala kurs ishining 
"Kirish"
qismida yoritiladi. 
3. Kurs ishi mavzusi yuzasidan ilmiy asoslanishi lozim bo‘lgan eng muhim masalalarni 
ajratish va ularni bo‘lim (bob)larga kiritish. Bu masalalar kurs ishining 
"Asosiy qism"
ida 
yoritiladi. 
4. Kurs ishi mavzusi bo‘yicha umumlashma nazariy xulosalar chiqarish va ularni izchillikda 
bayon etish. Bu masala kurs ishining 
"Umumiy xulosalar"
bandida aks ettiriladi. 
5. Kurs ishi mavzusiga oid ilmiy manbalar haqida ma'lumot berish. Bu masala kurs ishining 
"Foydalanilgan adabiyotlar"
bandida aks ettiriladi. 
Kurs ishi rejasida qayd etiladigan bu masalalar mavzu mohiyatini ochib berishga qaratilgan 
bo‘lishi joiz. Bu masalalarning rejada aniq, qisqa sarlavhalar ostida izchillikda berilishiga qat’iy 
rioya qilish lozim bo’ladi.
Kurs ishi rejasida berilgan masalalarning qay tartibda bo‘lishi, muhim-nomuhimligi, soni 
tanlangan mavzuning mohiyatiga bog‘liq. Mavzuga aloqador eng muhim masalalarni alohida 
bo‘lim (bob)larda yoritish tavsiya etiladi.
Dastlabki tuzilgan reja ilmiy rahbar nazoratidan o‘tkazilishi lozim. Ilmiy rahbar zarur 
hollarda rejaga tuzatishlar kiritish bo‘yicha tavsiyalar berishi mumkin.