Punktuatsiya

1.3. "HOZIRGI O'ZBEK TILI" FANI BО‘YICHA YOZILADIGAN KURS
ISHLARINING ILMIY-AMALIY AHAMIYATI 
"Hozirgi o‘zbek tili" fanining muayyan bo’limlari yuzasidan yoziladigan kurs ishlari 
talabalarning til sathi birliklarini shakl va mazmun butunligidan tashkil topgan yaxlit tizim sifatida 
o‘rganish, uning birliklarini aloqa-bog’lanishda tekshirish hamda eng muhim xususiyatlariga tavsif 
berish borasida amalga oshiradigan ilk yirik tadqiqot ishlari sifatida muhim ahamiyat kasb etadi.
Ma’lumki, kurs ishida talabadan muayyan mavzu bo‘yicha umumlashma nazariy xulosalarini 
bayon etish talab etiladi. Talabaning nazariy jihatdan asoslangan ilmiy xulosalari mavzu bo‘yicha 
tilshunoslikda shakllangan nazariy qarashlarni boyitishga xizmat qilishi shubhasiz. Talabaning 
umumlashma nazariy xulosalari asosida til birliklarining o‘ziga xos xususiyatlari haqida chuqur 
ma'lumotga ega bo‘lish mumkin bo‘ladi. 
Masalaga oid nazariy manbalar yuzasidan bayon etilgan qiyosiy tavsif va chuqur ilmiy 
tahlillar muayyan mavzuning tadqiq darajasi haqida to‘liq tasavvur hosil qilishga imkon beradi. 
Chuqur ilmiy tahlillarga boy kurs ishlaridan o‘zbek tili fani bo‘yicha ma'ruza matnlarini, amaliy va 
tajriba mashg‘uloti ishlanmalarini tuzishda keng foydalanish mumkin bo‘ladi.
 
1.4. "HOZIRGI O'ZBEK TILI" FANIDAN YOZILADIGAN KURS ISHINING 
TUZILISHI 
"Hozirgi o'zbek tili" fanidan yoziladigan kurs ishlari quyidagi tarkibiy qismlardan tarkib 
topishi maqsadga muvofiq: 
− kurs ishining titul varag‘i; 
− mundarija; 
− kurs ishining umumiy tavsifi; 
− kirish qism; 
− asosiy qism; 
− umumiy xulosalar; 
− foydalaniladigan adabiyotlar ro‘yxati. 
Kurs ishining 
birinchi titul varag‘i
ishning qayerda, qachon va kim tomonidan 
bajarilganligi, mavzusi, ilmiy rahbari haqida ma'lumot beradi. (1-ilova) 
Kurs ishining birinchi titul varag‘ida quyidagi ma'lumotlar aks etadi:
1. Oliy o‘quv yurtining nomi. 
2. Fakultet nomi. 
3. Talabaning familiyasi, ismi, otasining ismi. 
4. Kurs ishi mavzusi. 
5. Ilmiy rahbarning familiyasi, ismi, ilmiy darajasi, unvoni. 
6. Kurs ishi yozilgan joy nomi va yili. 
Kurs ishining