Punktuatsiya

 
2.3. MAVZU YUZASIDAN ILMIY XULOSALAR CHIQARISH VA ULARNI 
UMUMLASHTIRISH 
 
Talaba kurs ishi mavzusida ko‘tarilgan nazariy muammoni daliliy misollar yordamida ilmiy 
asoslashi va umumlashma xulosalar chiqarishi lozim bo‘ladi. Talaba nazariy xulosalarini dalillash 
uchun badiiy, publitsistik asarlardan tanlab olingan misollarga murojaat qiladi. Bunday misollar 
to‘g‘ri va o’rinli tanlanishi, mavzuning mohiyatiga muvofiq kelishi hamda talabaning ilmiy 
xulosalarini asoslashga xizmat qilishi darkor. 

---

143 
Talabaning kurs ishi rejasida ko‘tarilgan nazariy muammoni to‘laqonli ochib berishi, 
umumlashma ilmiy xulosalar chiqarishi tanlagan tadqiq usuliga ham bog‘liq. Kurs ishida sistem-
struktur tilshunoslikning qiyosiy tahlil, zidlash, bevosita ishtirokchilarga ajratish kabi eng ilg‘or 
tahlil usullaridan foydalanish maqsadga muvofiq. Kurs ishida til hodisalariga nisbatan bunday 
tahlil usullarini qo‘llash tadqiq obyektining bevosita kuzatishda berilmagan xususiyatlarini 
aniqlash hamda u haqida to‘g‘ri umumlashma xulosalar chiqarishga imkon beradi.
Talaba mavzuga oid nazariy xulosalarni umumlashtirish jarayonida ko‘tarilgan muammo 
yuzasidan o‘z shaxsiy qarashlarini ham ifoda etishi lozim bo‘ladi. Ba'zan talabaning kuzatishlari 
asosida chiqargan shaxsiy xulosalari mavjud ilmiy manbalardagi nazariy xulosalarga mos 
kelmasligi mumkin. Bunday holatda talaba o‘z qarashlarini daliliy misollar asosida to‘g‘ri asoslay 
olsa, kurs ishining ilmiy-nazariy qimmati yanada oshadi. 
Talaba kurs ishi mavzusida ko‘tarilgan muammo yuzasidan to’g’ri nazariy xulosalar 
chiqarishi uchun mavzuga aloqador barcha ilmiy manbalarni chuqur o‘rganishi, ularnu qiyosiy 
tahlil qilishi lozim. Shundan so’ng u umumlashma xulosalar chiqarishi va to‘plagan daliliy 
misollari asosida rejadagi masalalarni yoritib berishi lozim bo’ladi.