Punktuatsiya

2.6. "HOZIRGI O'ZBEK TILI" FANIDAN YOZILADIGAN KURS ISHLARINI 
OCHIQ HIMOYA QILISH 
"Hozirgi o'zbek tili" fani bo‘yicha tashkil etiladigan kurs ishlari mutaxassislik kafedralarida 
belgilangan tartibda himoya qilinadi. 
Kurs ishi rahbar taqrizidan o‘tib, himoyaga tavsiya etilgach, talaba ishni kafedraning maxsus 
yig‘ilishida ochiq himoya qiladi. 
Kurs ishini himoya qilish yakuniy baholash nazorati haftasi oralig‘ida o‘tkaziladi. Himoya 
kuni oldindan belgilanib, talabalarga e'lon qilinadi. Talaba kurs ishini maxsus tuzilgan hay'at 
huzurida himoya qiladi. Himoya vaqtida talaba kurs ishi mavzusining o‘rganilganlik darajasi, kurs 
ishida amalga oshirilgan vazifalar, kurs ishining tadqiq obyekti va metodi, ishning ilmiy va amaliy 
ahamiyati, kurs ishining tuzilishi haqida ma'lumot beradi hamda mavzuning asl mohiyatini qisqa 
sharhlaydi. Shu bilan birga, ilmiy rahbar taqrizida ko‘rsatilgan e'tiroz va kamchiliklarga javob 
beradi.
Himoya jarayonida talaba kurs ishida ko‘tarilgan muammo yuzasidan chuqur bilimga ega 
ekanligini namoyon etishi, muammo bo‘yicha o‘z nuqtayi nazarini bayon qilishi lozim. 
Himoya vaqtida talabaga hay'at a'zolari, shuningdek, himoyada ishtirok etayotgan professor-
o‘qituvchilar, talabalar mavzu yuzasidan savollar berishi mumkin.
Hay'at a'zolari talabaning himoyadagi javoblari asosida uning yozgan ishiga yakuniy baho 
qo‘yadilar. Agar kurs ishi talab darajasida yozilmagan bo‘lsa, talaba kurs ishi himoyasiga 
qoyilmaydi va ish qayta ishlash uchun qaytariladi. 
Ko‘tarilgan muammoning tadqiq darajasi, kurs ishi va uning bo‘lim (bob)larida ko‘tarilgan 
masalalar tahlili asosida mukammal darajada yozilgan ilmiy asoslarga boy kurs ishini amaliyotga 
tatbiq etishga, xususan, amaliy va tajriba mashg‘ulotlarida, talabalar ilmiy anjumanlarida 
foydalanishga tavsiya etish mumkin. Mukammal yozilgan kurs ishini talaba malakaviy bitiruv ishi 
darajasiga olib chiqishi ham mumkin.