Pulatov istam

1.3. Korxonalarda xizmat ko‘rsatuvchi xodimlar va ularga 
qo‘yilgan talablar 
 
Mahalliy va chet eldan keladigan mexmonlarga xizmat qilishda ularning 
ovqatlanishiga xos xususiyatlarni, xodimlar qiyofasini va shaxsiy gigiyenasini 
hisobga olishdan tashqari ko‘rsatilayotgan xizmat sifatiga o‘ta katta ahamiyat 
berilishi lozim, chunki chet ellik mexmonlar xodimlar qiyofasi, shaxsiy gigiyenasi, 
korxonaning sanitariya holati va xizmat sifatiga qarab respublikaning barcha 
ovqatlanish korxonalari va millat madaniyati to‘g‘risida xulosa chiqarishlari 
mumkin. Shu sababli ham har kuni chet ellik turistlarga xizmat qiluvchi metrdotel 
ulardan korxona xizmati sifati va sanitariya holati to‘g‘risida ularning fikrlarini 
oladi va korxona rahbariga (sohibiga) yetkazadi. Olingan ma’lumotlar asosida 
kamchiliklarni tuzatish bo‘yicha zudlik bilan choralar ko‘riladi. 

---

19
Yuqorida ko‘rsatilganlarni hisobga olgan holda ovqatlantirish korxonalari 
xodimlari o‘zlarining ko‘rsatayotgan xizmatlari sifatiga katta ahamiyat berishlari 
lozim va ular doimo mehmonlar nazorati ostida ekanligini unutmasliklari kerak. 
Tashqi go‘zal qiyofaga ega, shaxsiy gigiyenaga qat’iy rioya va hech qanday 
kamchiliksiz xizmat qiladigan va xushmuomalali xodimlar o‘zlariga va korxonaga 
ishonch hosil qilishdan tashqari korxona vakili sifatida mehmonlar nazarida uning 
shuhratini oshiradi. 
Chet ellik turistlarga xizmat qiladigan har bir korxona ko‘rsatayotgan xizmat 
sifatini ko‘tarish maqsadida korxona mavqeiyiga mos keladigan va uni yanada 
oshiradigan shaxsiy xizmat ko‘rsatish standartlarini ishlab chiqishlari va amalda 
ularga qat’iy rioya qilishlari lozim. 
Korxonada chet ellik turistlarga xizmat ko‘rsatish sifatiga quyidagilar katta 
ta’sir ko‘rsatadi: har bir ishning juda ham ehtiyotkorlik bilan va aniq bajarilishi; 
xodimlar tomonidan mehmonlarga g‘amxo‘rlik ko‘rsatilishi, xizmat vaqtini aniq 
rejalashtirilishi, 
o‘z–o‘zini 
nazorat 
qilishi, 
professional 
va 
sotsial 
kommunikativligi. 
Yuqorida ko‘rsatilgan ishlarni sifatli bajarish xodimlarning kasbiy 
mahoratiga bog‘liq bo‘ladi. Kasbiy mahorat deganda xizmat qilish tezligi, xizmat 
qilish bo‘yicha har qanday ishni bajarishda tozalikka va etiket qoidalariga qat’iy 
rioya, xizmat iste’molchilariga g‘amxo‘r qilish va maslahatlar berish mahorati 
tushuniladi. Xizmat qilish tezligi - bu xizmat iste’molchilarining kutish vaqtini 
minimum qisqartirishdir. Bu ofitsiantlar, barmenlar va metrdotellarning ishlashi 
uchun qulay sharoitlarni yaratish va ovqatlanish zali bo‘yicha harakat qilishi 
avtomatizm darajasigacha yetkazish orqali erishiladi. 
Xizmat iste’molchilariga g‘amxo‘rlik deganda xizmat qiluvchi xodimlarning 
ularga hurmat bilan qarashi, ularning istak va hohishlarini bajarishga doimo 
tayyorligi, xushmuomalaligi, sabr–toqatliligi va odobliligi tushuniladi. Demak, 
xizmat iste’molchilariga g‘amxo‘rlik qilish metrdotel, ofitsiant va barmenlardan 
etiket qoidalariga qat’iy rioya qilishni talab qiladi. Bundan tashqari g‘amxo‘rlik tez 
va sifatli xizmat qilishni ham o‘z ichiga oladi. 

---

20
Xizmat qilishda tozalikka rioya qilish chiroyli xizmat ko‘rsatish, sanitariya 
va shaxsiy gigiyena qoidalariga rioya qilishni bildiradi. 
Sotsial kommunikativlilik - xizmat qiluvchi xodimlarning xizmat 
iste’molchilari bilan tez muomalaga tusha olish qobiliyatini bildiradi. 
Kommunikativlilikda xorijiy iste’molchilar tillarini bilish, gapga chechanlik, ochiq 
chehralilik va samimiylik hamda bergan va’dasining o‘z vaqtida ustidan chiqa 
olishi katta ahamiyatga ega. 
Xizmat qiluvchi xodimlarning ziyrakliligi xizmat iste’molchilarining
istaklarini oldindan bila olish qobiliyatini va har bir mehmonga nisbatan alohida 
g‘amxo‘rlik ko‘rsatishni bildiradi. 
Ko‘rsatilganlardan tashqari xodimlar xizmat boshlanishidan oldin ustki va 
oyoq kiyimlarini tartibga keltirishlari, sochlarini yaxshilab tarashlari, qo‘llarini 
sovunlab yuvib, dezinfeksiya qilishlari va zarur bo‘lsa, og‘iz bo‘shliqlarini tozalab 
yuvishlari kerak.