Пул-кредит сиёсати

Гиперинфляция – Товар ва хизматлар нархининг нормадаги
даражага нисбатан ҳаддан ортиқ ошиб кетиши, миллий валютанинг юқори даражада қадрсизтланиши.
Нархлар барқарорлиги – белгиланган давр мобайнида, узоқ ва
қисқа давр учун бозордаги товар ва хизматлар нархининг ўзгаришсиз сақланиб қолиши ёки кичик даражада нархларнинг ошиши ёки тушишини билдирувчи ҳолат.
Фискал сиёсат - солиқ ва бошқа мажбурий тўловларни тартибга
солиш, самарали ташкил қилиш орқали давлат томонидан олиб бориладиган ҳаракатар мажмуи.
Фоиз ставкалари - марказий банк ва молия институтлари
томонидан қўлланиладиган, тартибга солувчи инструмент.
Тeйлор қоидаси – тайлор қоидасига кўра, агар инфляция режадаги ўсишдан баланд бўладиган бўлса, ҳамда ЯИМ кутилганидан кўпроқ ўсишга эришса, марказий банк асосий ставкани кўтариши
лозим. Ёки аксинча, инфляция режадан паст бўлса, асосий ставкани пасайтириши лозим.
Истеъмол нархлари индекси – аҳолининг истеъмол
саватчасидаги товар ва хизматларни сотиб олиши учун зарур бўладиган маблағни англатадиган, инфляцияни ва аҳоли реал даромадларини ўлчашга қаратилган кўрсаткич.
Нол чегарасидаги ставка (Zero Lower Bound) – кенгайтирилган
монетарй сиёсатнинг тадбирларидан бири ҳисобланади, бунда марказий банк асосий ставкани нолга яқин оаст даражада белгилайди. Натижада иқтисодий ўсишни таъминлаш мақсад қилинади. Бу тадбир асосан қисқа давр учун амалга оширилади.
Ижтимоий товарлар - бошқа товарлар каби олиб сотилмайдиган
товарлар. Масалан экология, тоза ҳаво, ичимлик суви таъминоти. Хамма учун бепул ва одатда чекланмаган товарлар.
Оқилона танлов - бир нечта танлов орасидан энг самрали
танловни амалга ошириш. Иқтисодиётда таҳлил ва ҳисоб-китобга асосланган танлов.
Облигация – қарз кўринишидаги қимматли қоғоз бўлиб, одатда
давлат ва йирик корпорациялар томонидан чиқарилади. Облигацияни сотил олган инвестор белгиланган муддатда облигациядан фоиз ҳисобида даромад ва муддат охирида облигацияга сарфлаган маблағини қайтариб олади.