Психология юнон тилидан таржима қилинганда – таълимот, жон билим тўғрисида (“psyche” – жон, руҳ ва “logos” – таълимот, илм) деган маънони англатади

Шахснинг индивидуал-психологик хусусиятлари:
1. Темперамент
2. Характер
3. Қобилият
4. Иқтидор
5. ...
Психология фанининг йўналишлари қуйидагилар:
Ҳозирги замон психологияси қуйидагича классификасия ва тузилишга эга:
I. Aниқ фаолиятнинг психологик томони.
II. Тараққиётнинг психологик томони.
III. Инсоннинг жамиятга бўлган муносабатининг психологик томони.
I. Психологиянинг аниқ турдаги инсон фаолияти психик муаммоларни ўрганувчи бир қатор соҳаларни ўз ичига олади.
1. Меҳнат психологияси (меҳнат фаолиятининг психологик хусусиятларини, уни илмий ташқил қилишнинг психологик томонини ўрганади).
2. Муҳандислик психологияси (машина билан инсон ўртасидаги вазифаларни тақсимлаш, мувофиқлаштириш, автоматлаштириш жараёнини ўрганади).
3. Педагогик психология (таълим, тарбия, ўқитувчи/тренер-ўқитувчи психологияси муаммоларини ўрганади).
4. Тиббий психология (беморнинг хулқ-атвори ва шифокорнинг фаолиятини ўрганади).
Шунингдек, психик ҳодисалар билан миядаги физиологик тузилмаларни ўрганадиган нейропсихология, психик фаолиятга таъсир қилувчи доривор моддаларни ўрганадиган психоформакология, даволашга таъсир этувчи воситаларни ўрганувчи психотерапия, инсон соғлиғини таъминлаш учун турли тадбирларни ишлаб чиқувчи психопрофилактика психологияси ҳам шулар жумласидандир.
5. Юридик психология (суд иши психологияси (жиноятни очиш), криминал психология (жиноят мотивларини аниқлаш), пенитенсиар ёки ахлоқ тузатиш меҳнати психологияси кабиларни ўрганади).
6. Ҳарбий психология (жанговор ҳаракатларни ўрганувчи психология).
7. Спорт психологияси (спортчилар шахсини ўрганади).
8. Савдо психологияси (сотувчи ва харидорларнинг ўзаро муносабатлари психикасини ўрганади).
9. Илмий ижод психологияси (ижод қилувчи шахснинг фаолиятини ўрганади).
Инсон фаолияти турли-тумандир. Ҳозирги кунда ҳар бир фаолиятнинг психологиясини ўрганиш мақсадга мувофиқдир.