Prokuratura organlarining xodimlari uchun O`aqiqiy

quyidagilardan:
1) jinoyatning oldini olish yoki unga yo`l qo`ymaslik;
2) dalillarni to`plash va saqlash;
3) jinoyat sodir etishda gumon qilinganlarni ushlash va 
yashiringan gumon qilinuvchilarni hamda ayblanuvchilarni 
qidirib topish;
4) jinoyat tufayli yetkazilgan moddiy ziyon qoplanishini 
ta'minlash uchun kechiktirib bo`lmaydigan tergov harakat-larini 
yuritishdan iborat.
Surishtiruv organlari zimmasiga jinoyat alomatlarini va 
jinoyat sodir etgan shaxslarni topish, ushbu Kodeksning 
qoidalariga muvofiq tekshirib chiqilganidan so`ng jinoyat ishi 
yuzasidan dalil tariqasida foydalanish mumkin bo`lgan 
ma'lumotlarni aniqlash maqsadida ilmiy-texnika vositalarini 

qo`llagan holda zarur choralarni ko`rish yuklatiladi. Ichki ishlar, 
milliy xavfsizlik xizmati va O`zbekiston Respublikasi Bosh 
prokuraturasi huzuridagi Soliq va valutaga oid jinoyatlarga 
qarshi kurashish departamenti va uning joylardagi bo`linmalari 
organlari bu maqsadda tezkor-qidiruv choralarini ham ko`rishga 
haqlidir. 
Shunday qilib, surishtiruv va dastlabki tergovni 
umumlashtiruvchi jihatlar yagona maqsad — tergov qilinayotgan 
ishlar bo`yicha obyektiv haqiqatni o`rnatish va bir xil tergov 
o`tkazish tartib-qoidalariga amal qilish (JPK, 39-modda, 4-
qism) hamda jinoyat-protsessual qonunchilikka muvofiq 
belgilangan bir xil vazifalardan (JPK, 2-modda) iboratdir.
Shu sababli qonunchilikni yanada mustahkamlash yo`lida 
jinoyatchilikka qarshi kurashuvchi organlar kuchlarini 
birlashtirish o`ta muhim sanaladi.
Tergovchi dastlabki tergov bosqichida tergovning o`z 
vaqtida va sifatli olib borilishi uchun mas'ul bo`lgan asosiy shaxs 
hisoblanadi. Uning vakolat va majburiyatlari doirasi qonun bilan 
belgilangan. Lekin jinoyat protsessi fanida tergovchi 
mas'uliyatini oshirish masalasi muhim muammolardan biri bo`lib 
kelmoqda.