Процессуал ҳужжатларни расмийлаштириш фанидан 2-мавзу: «Фукаролик ишлари буйича судларга такдим этиладиган даъво аризалари ва суд карорлари»

ЎҚУВ АМАЛИЁТИНИНГ МАҚСАДИ ВА ВАЗИФАЛАРИ


Ўқув амалиётининг мақсади – ўқувчиларда процессуал ҳужжатлар тушунчаси, шакллари ва турлари, уларни бир-биридан фарқли жиҳатлари, процессуал ҳужжатлар намуналарини тузиш ва тайёрлаш, процессуал ҳужжатлар бланкаларини тўлдириш борасида амалий билим, кўникма ва малакаларни шакллантиришга қаратилган.
Ўқув амалиётининг вазифаси – ўқувчиларга жиноят ишлари бўйича суриштирув, дастлабки тергов ва суд ишларини юритишга оид процессуал ҳужжатлар намуналарини тайёрлаш, фуқаролик ва хўжалик судлов ишларини юритишга оид процессуал ҳужжатлар намуналарини тайёрлашни ўргатишга қаратилган.


ЎҚУВ АМАЛИЁТИ БЎЙИЧА ЎҚУВЧИЛАРНИНГ БИЛИМИ ВА КЎНИКМАЛАРИГА ҚЎЙИЛАДИГАН ТАЛАБЛАР


Ўқув амалиётини ўрганиш натижасида ўқувчилар қуйидаги билимларга эга бўлиши керак:
 Фуқаролик ишлари бўйича:
– фуқаролик ишлари бўйича процессуал ҳужжатлар тушунчаси ва уларнинг турлари;
– фуқаролик ишлари бўйича судларга тақдим этиладиган даъво аризалар ва суд қарорлари;
– фуқаролик ишлари бўйича апелляция, кассация ва назорат инстанцияси судларининг қарорларига нисбатан қўйилган талаблар;
– суд қарорлари устидан берилган апелляция ва кассация шикояти (протести)нинг шакли, мазмуни ва уларни расмийлаштириш тартиби;
– назорат тартибида келтирилган протестнинг шакли, мазмуни ва унга қўйилган талаблар;
Ўқув амалиётини ўрганиш натижасида ўқувчилар қуйидаги кўникмаларга эга бўлиши керак:
. Фуқаролик ишлари бўйича:
– фуқаролик ишлари бўйича процессуал ҳужжатларнинг турларини фарқлаш;
– фуқаролик ишлари бўйича судларга тақдим этиладиган даъво аризалар ва суд қарорларини тузиш;
– фуқаролик ишлари бўйича апелляция, кассация ва назорат инстанцияси судларининг қарорларини тузиш;
– суд қарорлари устидан берилган апелляция ва кассация шикояти (протести)ни расмийлаштириш;
– назорат тартибида келтирилган протест тузиш.