Процессуал ҳужжатларни расмийлаштириш фанидан 2-мавзу: «Фукаролик ишлари буйича судларга такдим этиладиган даъво аризалари ва суд карорлари»

Мустақил таълим машғулотларида ўқувчилар ўқитувчининг раҳбарлигида муаммоли саволларни ҳал этишлари, маъруза ва мунозара (амалий) машғулотларида олинган билимларини мустаҳкамлашлари талаб қилинади. Мустақил таълим мазкур методик матeриалларда кўрсатилган машғулот режалари асосида ўтказилади ва ўқувчилар уларда кўрсатилган топшириқларни мустақил равишда бажаришларидан иборат бўлади.
Мустақил таълим машғулотлар давомида мазкур методик материалда белгиланган муаммоли саволларни ўқитувчи раҳбарлигида ўқувчилар мустақил равишда ҳал этадилар.
Мустақил тайёргарлик иши муайян мавзуни ва фанни бутунлай ўрганиш жараёни вақтида амалга оширилади. Мавзу бўйича тавсия этилган адабиётларни ўрганиб чиқиш орқали ишни маъруза машғулотига тайёргарлик кўриш билан бошлаш зарур, чунки мавзунинг мазмунини ташкил этувчи саволлар тўғрисида умумий тасаввурларга эга бўладилар, сўнг эса мустақил иш пайтида мазкур методик материалларда кўрсатилган маъруза саволларини ўрганиб, уларнинг мазмунини чуқурроқ тушуниб оладилар.


КИРИШ


Процессуал ҳужжатларни расмийлаштириш ўқув амалиёти дастури ўқувчиларда жиноят, фуқаролик ва хўжалик процессуал ҳужжатларни расмийлаштиришга оид амалий билимлар, кўникма ва малакаларни шакллантиришга қаратилган. Ўқув амалиёти дастури процессуал ҳужжатлар хусусиятига кўра уч йўналишда, яъни жиноят ишлари бўйича процесссуал ҳужжатларни расмийлаштириш, фуқаролик ишлари бўйича процессуал ҳужжатларни расмийлаштириш, хўжалик ишлари бўйича процессуал ҳужжатларни расмийлаштириш шаклида амалий машғулотлар ўргатилишини назарда тутади.
Жиноят процессуал ҳужжатларни расмийлаштиришга оид амалий машғулотларда жиноят ишлари бўйича суриштирув ва тергов ҳаракатларини амалга ошириш жараёнида расмийлаштириладиган процессуал ҳужжатлар намуналарини тайёрлаш, фуқаролик ва хўжалик ишлари бўйича процессуал ҳужжатларни расмийлаштиришга оид амалий машғулотлар давомида фуқаролик ва хўжалик судлов ишларини юритишга оид процессуал ҳужжатлар намуналарини тайёрлаш ўргатилади.