Problems of using high technologies in the class

Ilmiy rahbar prof. V.b. M.B.Begmatov


Samarqand davlat chet tillar instituti magistranti
Karimova Lutfiya Baxodirovnaning “Ilova konstruksiyasining asosiy funksiyalari” mavzusidagi magistrlik dissertatsiyasiga
TAQRIZ
Ilova hodisasi mavzusi har doim tadqiqotchilarning diqqat-markazida turgan dolzarb muammo sifatida qaraladi. Olib borilgan tadqiqotlar shuni ko‘rsatadiki, bu mavzu nemis tilida ma’lum darajada o‘rganilgan. Karimova Lutfiya tomonidan tayyorlangan mazkur magistrlik dissertatsiyasi ham ana shu mavzu doirasida bajarilgan bo‘lib, unda nemis tilshunosligida ilova konstruksiyaning funksiyalarini tadqiq qilish maqsad qilingan. SHu maqsadda ishda ilova hodisasi muammosini o‘rganish, ilova konstruksiyada ilovali elementlarning asosiy funksiyalarini aniqlash, ilova elementlarning struktura va ma’no xususiyatlarini ochib berish kabi vazifalar belgilab olingan.
Magistrlik dissertatsiyasini ko‘zdan kechirish jarayonida shu narsa ma’lum bo‘ldiki, unda tilshunos olimlar tomonidan yaratilgan ko‘plab ilmiy-tadqiqot ishlari, monografiyalar, ilmiy maqolalardan foydalanilgan. Ishning foydalanilgan adabiyotlar ro‘yxati bu narsani yaqqol namoyon qilib turibdi.
Karimova Lutfiyaning magistrlik dissertatsiyasi struktura jihatidan kirish, uchta bob, xulosalar, foydalanilgan adabiyotlar ro‘yxatidan tashkil topgan. Mazkur ilmiy tadqiqot ishi ilova hodisasi va uning o‘rganilish tarixi, hozirgi nemis tilida ilova hodisasi, hozirgi nemis tilida ilovali elementlarning struktur-semantik o‘ziga xosliklari deb nomlangan boblardan iborat. Ular magistrlik dissertatsiyasi mavzusini to‘liq ochib berishga xizmat qiladi.
Magistrlik dissertatsiyasi ma’lum darajada nazariy va amaliy ahamiyatga ega bo‘lib, undan seminar mashg‘ulotlarida, kurs ishlari va bitiruv malakaviy ishlar yozishda foydalanish mumkin.
Mazkur magistrlik dissertatsiyasi sodda, ravon tilda yozilgan, u ilmiy-tadqiqotchilarda qiziqish uyg‘otadi, qo‘yilgan talablarga javob beradi, ishni himoyaga tavsiya etish mumkin.