Problems of using high technologies in the class

Samarqand davlat chet tillar instituti magistranti
Karimova Lutfiya Baxodirovnaning “Ilova konstruksiyasining asosiy funksiyalari” mavzusidagi magistrlik dissertatsiyasiga
TAVSIYANOMA

Ilova hodisasi va uning xususiyatlari umuman tilshunoslikda, jumladan german tilshunsligida ma’lum darajada o‘rganilgan. Ta’kidlash kerakki, ushbu mavzu nemis tilshunosligida nisbatan kamroq tadqiq qilingan. SHu sababli tilshunoslikda ilova hodisasi mavzusiga har doim dolzarb muammo sifatida qaraladi. Tadqiqotlarda ilova hodisasining ko‘p tomonlari izlanish doirasidan chetda qolganday tuyuladi. Ba’zi hollarda ilova hodisaning semantik, uslubiy va boshqa xususiyatlari alohida o‘rganiladi, lekin ularning ana shunday xususiyatlari bilan bevosita bog‘liq bo‘lgan ichki qonuniyatlari izlanish ramkasidan chetda qolaveradi, Demak, ilova hodisasini o‘rganishga nisbatan bo‘lgan bunday munosabat kutilgan natijaga olib kelmaydi. Karimova Lutfiya tomonidan tayyorlangan mazkur magistrlik dissertatsiyasi ham ana shu mavzu doirasida bajarilgan bo‘lib, unda ilova konstruksiyaning funksiyalari nemis tili misolida tadqiq qilingan.

Ushbu dissertatsiya ishi doirasida ilova hodisasini, ilova konstruksiyasining asosiy funksiyalarini dolzarb mavzu sifatida o‘rganishda, ushbu hodisa bilan bevosita bog‘liq bo‘lgan tashqi va ichki qonuniyatlarni parallel o‘rganishga harakat qilingan. Ilova hodisasini bunday tartibda o‘rganish, birinchidan, ish hajmida kutilgan natijalarga olib kelishi va ikkinchidan, esa ilova hodisasini doimo dolzarb hodisalardan biri ekanligini yana bir bor ta’kidlashi mumkin,
Magistrlik dissertatsiyasi struktura jihatidan kirish, uchta bob, xulosalar, foydalanilgan adabiyotlar ro‘yxatidan tashkil topgan. Ilmiy tadqiqotning boblari quyidagicha nomlanadi: ilova hodisasi va uning o‘rganilish tarixi, hozirgi nemis tilida ilova hodisasi, hozirgi nemis tilida ilovali elementlarning struktur-semantik o‘ziga xosliklari. Ushbu boblar umumiy yaxlitlikni tashkil etadi va magistrlik dissertatsiyasi mavzusini to‘liq ochib berishga xizmat qiladi.
Mazkur ish ma’lum darajada nazariy va amaliy ahamiyatga ega bo‘lib, undan seminar mashg‘ulotlarida, kurs ishlari va bitiruv malakaviy ishlar yozishda foydalanish mumkin. Mazkur magistrlik dissertatsiyasi sodda, ravon tilda yozilgan, u ilmiy-tadqiqotchilarda qiziqish uyg‘otadi, qo‘yilgan talablarga javob beradi, ishni himoyaga tavsiya etish mumkin.