Priority tasks of foodstuffs safety

3. XULOSA

Xulosa o`rnida shuni aytish mumkinki, dunyo savdo munosabatlarida oziq-ovqat mahsulotlarining sifatini oshirish hamda xavfsizlik nuqtai-nazaridan iste’molchilar ishonchini qozonishda standartlashtirish va mahsulotni sertifikatlashtirish muhim ahamiyat kasb etadi, bu esa - mahsulot ishlab chiqaruvchilar o‘rtasidagi raqobatni kuchaytirib, savdo mavqeyini ta’minlashga asosiy vosita bo‘ladi. Demak, respublikamiz korxonalarining yuqori sifatli va xavfsiz mahsulotlar bilan to‘liq xalqaro dunyo bozoriga kirib borishi uchun korxonani iste’molchilar talablarini qondira oladigan ishonchli hamkor sifatida tanitish muhimdir. Korxonani ichki va tashqi bozorda tanituvchi asosiy omillardan biri – korxonaning mahsulotlar sifati va xavfsizligini ta’minlash borasidagi xalqaro standart talablarga javob berishini tastiqlovchi sertifikatidir.

Hozirgi kunda jahon savdo amaliyoti borgan sari mahsulot va sifat tizimlarini sertifikatlashtirish faoliyatiga asoslanmoqda. Chunki bu savdo kelishuvlari va shartnomalarini tuzishning asosiy shartidir. Birinchidan, bu shart xavfsiz, ekologik toza mahsulotni xarid qilish bilan bog‘liqdir. Ikkinchidan, xaridor uzoq muddat davomida katta partiyalardagi mahsulotning sifatini tasdiqlovchi hujjatlarga ega bo‘lishni xohlaydi. Uchinchidan, ko‘rsatilgan sertifikatlarning bo‘lishi bu mahsulotlarni sotish sohasini imkoniyatlarini kengaytiradi. Respublikamizda sifatli va xavfsiz mahsulotlarni ishlab chiqarish, ularni saqlash, qayta ishlash va eksport darajasini yanada oshirish uchun xalqaro talablarga mos holda faoliyatni tashkillashtirish hozirgi davr talabidir. Tayyorlanayotgan mahsulotlarning sifatini xalqaro standartlar talablariga moslashtirib, ularning eksport salohiyatini oshirishga alohida e’tibor qaratish maqsadga muvofiq.

FOYDALANILGAN ADABIYOTLAR

1. “Oziq-ovqat mahsulotining sifati va xavfsizligi to`g`risida”gi O`zbekiston Respublikasi qonuni. 1997-yil 30-avgust, 483-I-son.

2. “Iste’molchilarning huquqlarini himoya qilish to`g`risida”gi O`zbekiston Respublikasi qonuni. 1996-yil, 26-aprel, 221-I-son.

3. Saidova D.N., Rustamova I.B., Tursunov Sh.A. Agrar siyosat va oziq-ovqat xavfsizligi. O’quv qo’llanma. – T.: O’zR Fanlar akademiyasi asosiy kutubxonasi, 2015. – 50 b.

4. www.standart.uz

5. www.lex.uz

6. www.xs.uz