Презентация магистерской диссертации

1-мавзу. “Бухгалтерия ҳисоби ва халқаро молиявий ҳисоботга кириш”

• Маърузачи
• Б.Ю.Махсудов
• «Бухгалтерия ҳисоби»
• кафедраси доцент

• РЕЖА
• Молиявий ҳисоб ва ҳисобот моделларини шакллантиришга таъсир қилувчи омиллар.
• Молиявий ҳисоб ва ҳисобот моделларининг таснифи.
• Бухгалтерия ҳисобини халқаро мувофиқлаштириш ва миллий молиявий ҳисоб ҳамда ҳисобот стандартларини бирлаштириш усуллари.

1.1. Молиявий ҳисоб ва ҳисобот моделларини шакллантиришга таъсир қилувчи омиллар

• Бухгалтерия ҳисобининг мазмунини у фаолият кўрсатаётган муҳит белгилаб беради. Ҳар бир мамлакат ўз тарихи, қадриятлари ва сиёсий тизимига эга. Бухгалтерия ҳисоби ҳақида ҳам шундай дейиш мумкин. Шу сабабли, мамлакатимиздаги ва бошқа мамлакатлардаги бухгалтерия тамойиллари сезиларли даражада фарқ қилади. Бу фарқлар бизнесни ташкил этишнинг мавжуд шаклларининг хилма-хиллиги ва ташқи омиллар (сиёсий, иқтисодий, ижтимоий, географик ва бошқалар) ни ҳисобга олиш амалиётига таъсири билан боғлиқ. Шуниси ҳам эътиборликки, икки хил мамлакатдаги "муҳит" нинг маълум бир ўхшашлиги, одатда, уларда қўлланиладиган ҳисоб тизимларида кўплаб умумий хусусиятларнинг мавжудлигини белгилайди.

1.1. Молиявий ҳисоб ва ҳисобот моделларини шакллантиришга таъсир қилувчи омиллар

• Айрим мамлакатларда хусусан, АҚШда молиявий ҳисобда шакллантириладиган маълумотлар, аввало, инвесторлар ва кредиторларнинг эҳтиёжларини қондиришга қаратилган бўлиб, бошқарув қарорларини қабул қилиш нуқтаи назаридан фойдалилик унинг сифати учун энг муҳим мезон ҳисобланади. Бошқа мамлакатларда бухгалтерия ҳисобининг роли ва унинг методологияси доирасида ишлаб чиқилган устувор йўналишлар турлича бўлиши мумкин. Масалан, бу ишончли ахборот билан таъминлаш ва давлат солиқ сиёсатининг тўғри амалга оширилишини назорат қилишни ўз ичига олиши мумкин. Бухгалтерия ҳисобининг айнан ушбу функцияси Жанубий Американинг аксарият мамлакатларида асосий деб қабул қилинган.