Практикум ҳуқуқбузарлик, жиноятчиликнинг олдини олиш ва танглик вазиятидаги болалар билан ишлаш бўйича

IV БОБ. ПСИХОКОРРЕКЦИОН МАШҒУЛОТЛАР, МАШҚЛАР
Психологик коррекция ва ривожлантириш

Бола тарбияси у дунёга келмасдан бошлаб юборилади. Шундай бўлса-да жамиятда қанчалик тарбиявий таъсир кўрсатилмасин, хулқ-атворида салбий иллатларга мойил, ижтимоий меъёрларни қабул қилолмаслик хоҳиши, ҳатти-ҳаракатларини назорат қилишдан ҳоли бўлмаган болаларни учраб туради. Уларни табиатан шундай хулқ-атворга эга деб, эътибордан четда қолдириш ёки чора-тадбирлар ишлаб чиқмаслик жамият учун каттадан-катта юқотишларга олиб келади. Шу боис тарбияси ва хулқ-атворида ўзгариши бўлган болаларга ёрдам кўрсатувчи кишилар психологлар, педагоглар ҳисобланади.

Психологик коррекция ва ривожлантириш ишларини ташкил этиш бўйича маслаҳатлар.

Тарбияси қийин болаларга психологик-педагогик ёрдам кўрсатишнинг ўзига хос тартиблари мавжуд. Тарбияси қийин болаларга психологик-педагогик ёрдам кўрсатиш учун қуйидаги тартибда иш тутиш тавсия этилади:

1. 
   Ёш жиҳатларига қараб профилактика ва психокоррекция ишларни бошлаш талаби.
   

Тарбияси қийин болаларнинг айнан ўсмирлик ёшида хулқдаги қатъий бузилиш шаклланган вақтда, профилактик ва коррекцион тадбирларга қўл урилади. Лекин хулқ-атвордаги ўзгариш болалик даврида намоён бўлган чоғда, унга чора кўриш мақсадга мувофиқдир. Шу боис кичик мактаб ёшидаоёқ мақсадли профлактика ва психокоррекция ишларини анча илгари бошлаш лозим.

2. 
   Ишни дифференциал ва индивидуал ташкил этиш.
   

Бунда болаларнинг тарбиявий-профилактик жараёнда ёш ва жинсига қараб дифференциал ҳамда уларни ҳар бирини индивидуал хусусиятларга қараб ишни режалаштириш.
3. Ишдаги хилма-хилликни таъминлаш, яъни вазият, шарт-шароитга қараб усуллар, воситалардан фойдаланиш.
4. Инсонийлик муносабатидан ёндошиш.
Болалар билан ишлаётганда уларни ҳар бир тоифасига қандай миллатга хослиги, дунёқараши, динидан қатъий назар ишонч унинг қизиқишларини ҳисобга олиб, унга очиқ кўнгиллик билан муносабат ўрнатиш лозим.