Polietilenni termik barqarorligini oshirish texnologiyasini ishlab chiqish

Komponentlarning nomlari
Komponentlarning miqdorlari, %
Standart retseptura	Tavsiya etilgan retseptura
1	Polietilen xom-ashyosi	96,36	96,36
2	Irgonoks-1010	2,64	-
3	Santanoks	1,0	-
6	Gossipol smolasi	-	3,64
	Jami:	100	100

3.2. Polietilen destruksiyasi va uni stabillash
Plastmassalarni shu jumladan polietilenni qayta ishlash va foydalanish jarayonida issiqlik, nur, xavodagi kislorod, kimyoviy reagentlar, mexanik kuchlar, mikroorganizmlar va boshqa omillarning ta’siri natijasida turli xil fizikaviy va kimyoviy xodisalar sodir bo‘ladi. Polimerlarni qayta ishlash jarayonida ketishi mumkin bo‘lgan reaksiyalar quyida keltirilgan. Buning natijasida polietilenni fizikaviy va fizik-kimyoviy xossalari yomonlashadi. Bu jarayon ko‘pincha polimer makromolekulalaridagi asosiy bog‘larning uzilishi oqibatida molekular massaning kamayishi xisobiga sodir bo‘ladi. makromolekulalarning turli xil fizikaviy va kimyoviy agentlar ta’sirida parchalanishi destruksiya deyiladi. Shunday qilib, destruksiya natijasida polimerning molekular massasi kamayadi, kimyoviy tuzilishi, fizikaviy va mexanik xossalari o‘zgaradi.

Demak, polimerlarni qayta ishlashda va ulardan foydalanishda, kimviy va fizikaviy usullar bilan xossalarini o‘zgartirganda destruksiya jarayonining sodir bo‘lishi salbiy oqibatlarga olib keladi. Kimyoviy destruksiya reagentlar (suv, kislota, ishqor, tuz, kislorod va xakazolar), fzikaviy destruksiyani esa fizikaviy ta’sirlar (issiqlik, yoruqlik, mexanik energiya, turli nurlar va xokazolar) keltirib chiqaradi.
Destruktiv jarayonlarni tekshirishda fizik-kimyoviy usullar, spektroskopik, gazoxromatografik, differensial termik analiz, massospektroskopik va boshqa usullardan foydalaniladi.
Kimyoviy destruksiya asosan qutbli reagentlar ta’sirida boradi. Gidroliz reaksiyasi eng ko‘p tarqalgan kimyoviy destruksiyalarning biridir. Polimerlarni gidroliz reaksiyalariga moyilligini uning funksional guruxlari va kimyoviy bog‘lari belgilaydi. Bu nuqtai nazardan polietilen kam kimyoviy destruksiyaga (gidrolizga) uchraydi.