Pisa-2021: мактаб таълими мазмунини такомиллаштиришнинг яна бир омили сифатида

PISA-2021: МАКТАБ ТАЪЛИМИ МАЗМУНИНИ ТАКОМИЛЛАШТИРИШНИНГ ЯНА БИР ОМИЛИ СИФАТИДА
Иқтисодий ҳамкорлик ва ривожлантириш ташкилотининг ўқувчиларнинг саводхонлигини баҳолаш бўйича халқаро тадқиқотида иштирок этиш юзасидан Ўзбекистон Республикаси Вазирлар Маҳкамасининг 2018 йил 8-декабрдаги 997 - сонли қарори қабул қилинди.
Мақсад
Умумтаълим мактаблари ўқувчиларининг ўқиш, математика ва табиий йўналишдаги фанлардан саводхонлигини ҳолисона баҳолаш;
Ўқувчиларнинг олган билимларини амалиётда қўллаш қобилиятини ривожлантириш;
Таълим муассасаларида сифатли таълим бериш учун етарли шарт-шароитларни яратиш.

• Ўтказилаётган тадқиқотларнинг илмий, техник сифати юқорилиги ва натижаларининг ишончлилиги ҳамда халқаро тадқиқотлар натижаларини таълимни ислоҳ қилиш учун қўллаш имкониятини беради;
• Кўпчилик давлатлар миллий тадқиқотлардан кўра, халқаро тадқиқотларга кўпроқ ишонишади;
• Тадқиқотлар натижалари давлатнинг таълим тизимини таҳлил қилиш ва бошқа давлатлар билан таққослаш имкониятини беради;
• Халқаро тадқиқотлар таълим соҳасидаги миллий тадқиқотларни сифатли ўказишга ижобий таъсир қилади;
• Бундай тадқиқотлар доирасида таълим сифатини баҳолаш методика ва технологиялари самарали такомиллашиб боради.

“Таълим соҳасидаги нуфузли халқаро тадқиқотларнинг методологик афзалликлари” қуйидагилардан иборат
PISA – (inglizcha - Programme for International Student Assessment) турли давлатларда 15 ёшли ўқувчиларнинг саводхонлигини (ўқиш, математика, табиий фанлар) ҳамда билимларини амалиётда қўллаш қобилиятини баҳоловчи тест, бўлиб, дунёда энг машҳур ва нуфузли ҳисобланади.
Дастурнинг асосий мақсади - ўқувчилар таълим даргоҳида олаётган билим ва тажрибаларини ижтимоий муносабатларда ва инсон фаолиятида учрайдиган турли хил ҳаётий вазифаларни ечишда қанчалик фойдалана олиш қобилиятини баҳолашдир.
Ушбу синов хар 3 йилда бир марта ўтказилади.

Таълим сифатини баҳолашнинг халқаро тадқиқотларида иштирок этиш (зарурати) Ўзбекистонга нима беради?

• Давлат таълим стандартлари талаблари, ўқув дастурлари, дарсликлар ва ўқувчиларнинг ўқув натижалари ҳақидаги аналитик таҳлиллар миллий таълим тизимини ислоҳ қилиш, таълим мазмунини, педагог кадрлар тайёрлаш ва уларнинг малакасини ошириш дастурларини такомиллаштириш сифатини оширади;

• Тадқиқотларда олинган натижалар мамлакатдаги таълим сифати ва унинг халқаро стандартларни ҳисобга олган ҳолда эгаллаган ўрни тўғрисида хулосалар чиқариш имконини беради;

• Дунёнинг етакчи мутахассислари томонидан ишлаб чиқилган таълим сифатини педагогик ўлчаш технологияларидан фойдаланиш ва дунё стандартлари даражасида юқори иқтисодий самарага асосланган миллий баҳолаш тизимини яратиш имконини беради;

• Миллий мутахассисларда мониторинг тадқиқотларини ўтказиш маданиятини ривожлантириб, таълим сифатини баҳолашнинг халқаро стандартларига мослашувига олиб келади;