Мен бир неча йиллардан буён Тошкент шахар Чилонзор туманида истиқомат қиламан. Шу туман фуқароси сифатида туманимиздаги баъзи муаммоларни кўрсатиб уларга ечим сифатида ўзимнинг бир неча таклифларимни киритмоқчиман

Мен бир неча йиллардан буён Тошкент шахар Чилонзор туманида истиқомат қиламан. Шу туман фуқароси сифатида туманимиздаги баъзи муаммоларни кўрсатиб уларга ечим сифатида ўзимнинг бир неча таклифларимни киритмоқчиман.
Чилонзор туманида статистик маълумотларда 590 дан ортиқ 2 ёшгача бўлган болаларга қараш бўйича нафақалар берилиши керак. Аммо амалиётга назар соладиган бўлсак 282 та болага нафақа ажратилган. Қолган қисми эса нафақа билан таъминланмаган. Шундай экан, бюджетдан ажратилган пулларнинг қолган қисми қаерга сарфланяпти? Энг аввало, болаларга нафақа ажратиш учун қўйилган шартларнинг ўзи мураккаб. Шуни ўзини оз бўлса-да енгиллаштириш ёки аксинча барча фуқароларга бирдек маблағ ажратиш керак эмасмикан? Буни қайси давлат ҳодими назорат қиляпти? Ахир шу фарзандлар бизнинг келажагимиз эмасми?!
Аслини олиб қараганда 1 та бола учун бор йўғи 446 000 сўм ажратилган ва шунинг ўзи ҳам тўлиқ керакли жойларга етиб бормаяпти. Бу маблағнинг ўзи жуда ҳам кам. Ҳисоблаб кўрадиган бўлсак, 1 та болалар таглиги ўртача 2000-2500 сўм. 1 бола учун 1 кунга ўртача 3 та кетади, 1 ойда умумий ҳисобда ўртача 90 та қиймати 207 000 сўмни ташкил этади. Болалар бўтқаси 28 990 сўм. 1 ой учун 1 болага камида 10 пачка бўтқа кетади. Ҳисоблаб чиқсак 1 ой учун 289 900 сўм бола озуқаси учун сарфланар экан. Агар доимий харажатларни ўзини ҳисобласак 496 990 сўм. Бундан ташқари ўзгарувчан харажатлар ҳам мавжуд: боланинг бетоб бўлиб қолиши, дори дармонлар учун ўртача ҳисобда 100 000 сўм, кийим-кечаклари учун кетадиган харажатлар 150 000 сўм. Барча харажатларни хисоб-китоб қилсак бола нафақасига ажратилган маблағ тўлақонли харажатларни қопламайди. Агар бюджетдан 1 бола учун ўртача 800 000 сўм ажратилса мақсадга мувофиқ бўлар эди.