PhD. Samatov A. A

Takrorlash uchun savollar.

1. 
   Nima uchun rivojlangan davlatlar sifat masalalariga ko‘proq e’tibor beriladi?
   
2. 
   Sifatni ta’minlash tizimlari deganda nimani tushunasiz?
   
3. 
   Sifat tizimlari sertifikatlashtirishning o‘ziga xos xususiyatlari.
   
4. 
   Respublikamizda sifat tizimlarini tadbiq etish borasidagi ishlarni so‘zlab bering.
   
5. 
   Sifat tizimini sertifikatlashtirish bo‘yicha qanday xalqaro toifadagi standartlarni bilasiz? Sifat masalalari bilan shug‘ullanuvchi nufuzli tashkilotlarni bilasizmi?
   
6. 
   Ishlab chiqarishni va sifat tizimlarini sertifikatlashtirishning o‘xshash va tafovutli tomonlarini so‘zlab bering.
   
7. 
   Sifat tizimi korxonaga nimalarni beradi?
   
8. 
   Ishlab chiqarishi sertifikatlashtirilgan korxona mahsulotiga serifikat olmasa ham bo‘ladimi?
   
9. 
   Bir korxonaning sifat tizimi bo‘yicha hujjatlarni boshqa korxona ishlatsa bo‘ladimi?
   
10. 
    Respublikamizdagi sifat tizimlari sertifikatlashtirilgan korxonalar haqida nimalarni bilasiz?
    

Tayanch so‘zlar va iboralar: Sifat tizimi; audit, talabnoma

MAVZU: 13 . MUVOFIQLIKNI BAHOLASH VA TASDIQLASH
Reja:
1. Sertifikatlashtirishda mahsulotni tekshirish
2. CHet el muvofiklik sertifikatlarini e’tirof etish
3. Maxsulotni shtrixli kodlashtirish.
Sertifikatlashtirishda mahsulotni tekshirish
Amaldagi hamma sertifikatlashtirish tartibi mahsulotning nazoratli sinovlarini utkazishga asoslangan, uning belgilangan me’yoriy, hujjatlar talablariga muvofiqligi aniqlanadi. Tizim qoidalariga binoan sinovlarning korxonani o‘zida mahsulotni tayyorlash jarayonida hamda iste’molchiga yuborishdan oldin o‘tkaziladi. Bundan tashqari odatda sertifikatlashtirish doirasida sertifikatlashtirilgan mahsulotning sifatini barqarorligi uchun nazoratli tekshiruv vaqti- vaqti bilan o‘tkaziladi.
Sertifikatlashtirish uchun o‘tkaziladigan sinovlar tartibi, ba’zan uni sertifikatlashtirish sinovlari ham deb atalib, amaliy har qanday sinovlarga xos bo‘lgan, mahsulotning sanoatda, ishlab chiqarishda ko‘p yillar ichida shakllangan umumiy qoidalariga bo‘ysunadi. Lekin sertifikatlashtirish sinovlarini tashkil qilish va o‘tkazish uslubiyati o‘ziga xos xususiyatlariga ega. Har bir sinov va uning natijalari uchinchi tomon tarafidan sertifikatlashtirish uchun ishlatilishi ko‘zda tutilib, faqat sertifikatlashtirish idorasi tomonidan mahsulotning sinovlarini o‘tkazish uchun huquqli akkreditlangan sinov laboratoriyalarida yoki uning tashkilotlarida o‘tkaziladi.
Sinovlarni o‘tkazish va uni tartibi, xalqaro yoki milliy sertifikatlashtirish tizimlarining qoidalarida to‘liq va aniq qilib belgilangan.
Sertifikatlashtirish tartibiga qarab, ushbu mahsulotning bir turdagi nusxasi, to‘dadan tanlanmasi yoki mahsulotning nusxasi sinovlardan o‘tishi mumkin. Mahsulotning tavsiflari va parametrlari, ularga bo‘lgan talablar me’yoriy hujjatlarda belgilangan bo‘ladi. SHuning uchun ularni aniq va ishonchlik bilan sinovlar va o‘lchashlar natijasida aniqlash imkonini beradi.