Пешоб лаборатор таҳлиллари, буйрак патологиясида биохимик текширувларнинг клиник интерпретацияси

Нечипоренко усули бўйича шаклли элементлар меъёрий сони:
-Эритроцитлар - 1 мл центрифугаланган сийдикда 1000та,
-Лейкоцитлар - 1 мл центрифугаланган сийдикда 2000та,
-Цилиндрлар - 1 мл центрифугаланган сийдикда 20та.
Нечипоренко усулининг афзалликлари:

• 
  Усул оддий, поликлиника шароитлари учун ва педиатрияда кулай, КВП шароитларида лаборатория шароитларига ва диагностика учун заруратга қараб тавсия этилиши мумкин.
  
• 
  Центрифугалаш учун турли миқдорда келтирилган сийдикдан олиш мумкин.
  
• 
  Катталар ва болалар учун меъёри бир хил.
  

Сийдик чўкмаси элементлари
Эритроцитлар. Эритроцитлар сийдик чўкмасида ўзгарган ва ўзгармаган бўлади.
Ўзгармаган эритроцитлар - ядросиз, сарғиш - яшил рангли, маркази чуқурлашган диск кўринишидаги ҳужайралар. Ўзгармаган эритроцитлар кучсиз нордон реакцияли (pH 6,5) нейтрал (pH - 7,0) ёки кучсиз ишкорий (рН- 7,5) ва ишқорий (pH 8,0) сийдикда топилади. (2.1. раем..)
Ўзгарган эритроцитлар гемоглобин сақламайди, улар рангсиз, бир ёки икки контурли халқалар кўринишида, узоқ вақт нордон pH 4,5 - 5,0 сийдикда бўлганда аниқланади. Яллиғланиш жараёни билан зарарланган буйрак фильтридан ўтган эритроцитлар (дисморф эритроцитлар) одатда ренал гематуриядан далолат беради.
Ўзгарган эритроцитларга чеккалари ғадир - будир ва қовжираган эритроцитлар киради. Улар юқори солиштирма оғирлигига эга бўлган (1,030-1,040), концентрланган сийдикда учрайди, яна улар 9-10 кўрсаткичли pH ва паст со­лиштирма оғирликда учрайдиган кескин катта ўлчамдаги эритроцитлар ва 5,0-5,5 кўрсаткичли рНдаги кескин нордон сийдикда узоқ бўлиши туфайли гемоглобини йўқотилган эритроцитлар киради. Ушбу эритроцитлар сийдик бланкининг ҳудди ўша устунига ёзилади, лекин ҳеч қандай диагностик аҳамиятга эга эмас.