Пешоб лаборатор таҳлиллари, буйрак патологиясида биохимик текширувларнинг клиник интерпретацияси

Кетон таначалари

Соғлом одамларда сийдик билан кунига 20-50 мг кетонлар ажралади. Одатдаги сифат синамалари (Легал, Ланге, Лестраде ва бошқалар) бу миқдордаги кетонларни аниқлай олмайди. Сийдик билан кўп миқдорда кетонларнинг ажралиши кетонурия деб аталади.

Кетонурия углевод, ёг ва оқсил алмашинувлари бузилганда пайдо бўлади ва муҳим клиник ахамиятга эга.
Кетонурия кичик ёшдаги болаларда очликда кучсизланиш фонида (токсикозлар, гастроэнтероколит, дизентерия ва бошқалар), шунингдек иситмалашда, алкоголли интоксикацияда, заҳарланишда, оғир кечувчи юқумли касалликларда кузатилади.
Кетонурия операциядан кейин, катта механик мушак жарохатларида (краш- синдром) стресс гормонлари (катехоламин, глюкокортикоидлар, глюкагон) билан чақирилган протеолиз фаоллашуви натижасида оқсил парчаланиши, шу билан бирга Кребс циклидаги жараёнларни чегараланишдан икки углеродли бирикмаларни, жумладан, ацетил-КоАни тўқимада тўпланиши билан тушунтирилади.


Қон
Сийдикда қон эритроцит (гематурия синдроми) ёки эритроцитлар парчаланиш маҳсулотлари (гемоглобинурия, сидеринурия синдромлари) бўлиши билан аниқланиши мумкин.
Гематурия. Соғлом одамда сийдикда битта - иккита эритроцитлар бўлиши мумкин. Соғлом одамларда кунига 1 миллионгача эритроцитлар ажралади, бу 1 мкл сийдикда бир дона эритроцитга тўғри келади.
Микрогематурия - сийдик ранги ўзгармаган, сийдик чўкмаси микроскопиясининг чамаловчи усул билан (кўриш майдонида 5дан кўп эритроцитлар) ва самарали - миқдорий усулда (1 мл сийдикда 1000 эритроцит ёки кунига 1000000 эритроцит) эритроцитлар аниқланиши.
Макрогематурия сийдик бўялиши билан намоён бўлиб, сийдик ранги эритроцитлар миқдорига қараб пушти, қизғиш, қизил, “гўшт сели” рангларида бўлиши мумкин. Микро - ва макрогематурия орасидаги чегара 1 л сийдикда тахминан 0,5 мл қон (1 мкл сийдикда 2500 эритроцит) бўлиши ҳисобланади.
Баъзи дори воситалари потенциал нефротоксик эффектга эга (аминогликозидлар, антибиотиклар, аналгетиклар, циклоспорин А, цитостатик препаратлар, уротропин, сульфаниламидлар).