Пешоб лаборатор таҳлиллари, буйрак патологиясида биохимик текширувларнинг клиник интерпретацияси

Эпителий
Сийдик чўкмасида эпителийнинг 4та асосий тури учрайди: куп каватли ясси мугузланувчи эпителий, кўп қаватли ясси мугузланмайдиган эпителий, ўтувчи эпителий, эркаклар сийдигида эса яна цилиндрик эпителий.
Кўп қаватли ясси мугузланмайдиган эпителий эркаклар ва аёллар уретрасининг дистал қисмида ва қинда бўлади. Бу эпителий сўрилиш фаолияти керак бўлмаган нам юзалар учун характерли. Натив препаратда улар тарқоқ ёки кичик пластлар билан жойлашади. Ҳужайралар юмалоқ шаклда, диаметри эритроцитлар диаметридан 6-8 марта катта, рангсиз, цитоплазмаси гомоген ёки нозик донадор бўлади. Цитоплазма фонида катта бўлмаган, ҳужайранинг кам қисмини эгалловчи ядро кўринади. Ўтувчи эпителий буйрак жомчалари, сийдик йўллари, сийдик пуфаги, сийдик чиқариш каналининг юқори қисмида жойлашган. Бу кўп қаватли эпителий. У ўзида кўп қаватли ясси ва цилиндрик эпителийнинг морфологик белгиларини бирлаштиради. Бу тўқиманинг базал қават цилиндрик шаклдаги ҳужайралардан ташкил топган, бу қаватдан юқорида жойлашган ҳужайралар кўп қиррали (полиэдрал) бўлади. Ўтувчи эпителийнинг ажралган ҳужайралари морфологиясига сийдикда қолиш давомийлиги, сийдик рНи, солиштирма оғирлиги таъсир қилади. Ўтувчи эпителийнинг ажралган ҳужайралари улчами (лейкоцитдан 3-8 марта катта) ва шакли (полигонал, юмалок, цилиндрик) бўйича полиморф, уларнинг цитоплазмаси одатда купрок дагал донадор оксилли, вакуол, камрок ёгли, сийдик пигментлари билан саргимтир ёки сдрик рангга буялган ва дистрофия ҳолатида бўлади. Баъзан бу ҳужайраларда ядролар кўринади. Юза қават ҳужайраларда 1-2-3-4таядроларни топиш мумкин. Ўтувчи эпителийнинг бир - икки ҳужайралари соғлом одамлар сийдик чўкмасида учраши мумкин. Кўп миқдорда ўтувчи эпителий интоксикацияда, иситмаловчи беморлар сийдигида, операциядан кейин, наркозни, дори воситаларни кўтара олмаслик, турли этиологияли сарикликда, сийдик пуфаги ракида аниқланади.