Personalni boshqarish

Хайитов А.Б. – ТДИУ, и.ф.н., доцент
Акбаров А.М. – ТДИУ, катта ўқитувчи

Тақризчилар:

Шоюсупова Н.Т. – ТДИУ, и.ф.н., доцент Аллаев Н.А. – Ўз.Р. “Меҳнат ва аҳолини ижтимоий муҳофаза қилиш”

Дастур Тошкент Давлат Иқтисодиёт Университети қошидаги Олий ўқув юртлараро Илмий – услубий Кенгашида кўриб чиқилган ва тавсия қилинган.

«_____» ________________2006й. ______ - сонли мажлис баёни.

Мувофиқлаштирувчи кенгашининг _________ қайдномаси билан тасдиққа тавсия этилган.

Кириш

Ўзбекистонда ислоҳотларни янада чуқурлаштириш ва иқтисодиётни модернизациялаш шароитида ходимларни бошқариш соҳасида ҳам туб ўзгаришлар қилишни тақоза этади. Маълумки, корхона ва ташкилотларнинг самарали фаолияти унда ишловчи ходимлар таркибининг қай даражада эканлиги биланлиги билан белгиланади. Шу жиҳатдан ҳозирги вақтда малакали ва ишбилармон, юқори салоҳиятга эга бўлган, маънан етук ходимларни шакллантиришга эришиш ҳар бир корхона ва ташкилот олдида турган долзарб масалалардан биридир. Шунинг учун ҳам, бугунги кунда корхона ва ташкилот ходимларни бошқариш концепцияси асосини ходим шахсий ролининг ортиб бораётганлиги, унинг асосий йўл-йўриқларини билиши, уларни шакллантира олиши, корхона ва ташкилот олдида турган вазифаларга мувофиқ равишда йўналтира билишини ташкил этади.

Талабаларда ходимларни бошқариш илмини амалиётга қўллай биладиган даражадаги кўникмалар ҳосил қилиш. У талабаларда ишлаб чиқаришнинг мақсадига эришишни таъминловчи ходимларни бошқаришнинг назарий ва амалий профессионал билимни шакллантиришга йўналтирилган.
Унинг асосий вазифалари талабаларга инсон ресурсларини бошқариш асосларини ўргатиш, корхоналарда ходимларни бошқариш стратегияси ва тактикасининг моҳияти, мазмуни ва хусусиятларини ўргатиш, юқори малакали кадрларни шакллантириш ва ходимларни бошқаришнинг мезонлари, ўлчовлари ва кўрсаткичлари бўйича билимга эга бўлиш, ходимларни профессионал танлаш, ўқитиш, малакасини ошириш ва лавозимларга бириктириш масалаларини ўргатиш, ходимларни ишга қабул қилиш ва ундан бўшатиш ҳамда ходимларни бошқаришнинг ҳуқуқий-меърий асослари бўйича назарий билим ва амалий кўникмаларга эга бўлиш, ходимларни бошқариш бўйича иш юритиш асослари ва зарурий ҳужжатларни тўғри ва тез расмийлаштириш, ходимларни бошқариш самарадорлигини аниқлаш ва уни ошириш йўлларини белгилаш бўйича хулосалар беришдан иборат.
«Ходимларни бошқариш» фани бир қатор ижтимоий ва иқтисодий фанлар билан ўзаро боғлиқдир. Улар жумласига: “Иқтисодий назария”, “Меҳнат иқтисодиёти”, “Статистика”, “Ҳуқуқ”, “Менежмент” ва х.к. каби фанлар киради.