Pedagogika fanidan izohli lug’at. A avtomonitoring

Milliy model – kadrlar tayyorlashning milliy tuzilmasi. Milliy modelning tarkibiy qismlari: shaxs, davlat va jamiyat, uzliksiz ta’lim, fan, ishlab chiqarish.
Model – (fransuzcha “modele”- “namuna’, lotin tilida “modulus”- “me’yor”)- qandaydir ob’yektning shartli qiyofasi, ob’yekt va ob’yekt haqidagi inson bilimlari o’rtasidagi munosabatni aks ettirish uchun xizmat qiladi.
Motiv – insonni o’qishga yoki biror harakatlarni bajarishga undovchi turli sabablar yig’indisi. Bu ma’lum ehtiyojlarni qondirish bilan bog’liq faoliyatga moyillik.
Monografiya – muayyan mavzu yoki muammoni, biror olim yozuvchi hayoti va faoliyatini atroflicha, chuqur tadqiq etuvchi ilmiy nashr. Monografiyada yoritilayotgan masala bo’yicha mavjud adabiyot umumlashtiriladi va tahlil etiladi, fanni rivojlantirishga yordam beradigan faraz va xulosalar olg’a suriladi.
Mul’timediya – bu informatikaning dasturiy va texnikaviy vositalari asosida audio, video, matn, grafika va animatsiya (ob’yektlarni fazodagi harakati) samaralari asosida o’quv materialini o’quvchilarga yetkazib berishning mujassamlashgan holdagi ko’rinishi.
Musnad (arab.-asoslangan, dalillangan)- hadis to’plamlarining ilk turi. Musnadda musannafdan farq qilgan holda, hadislar ularni bir-biridan eshitgan shaxslar silsilasiga asoslangan holda (har bir hadis uni xabar qilgan shaxsning ilmi bilan bog’langan holda) joylashtirilgan.
Mustaqil ta’lim – olingan bilim, ko’nikma va malakalarni mustahkamlash, qo’shimcha ma’lumot yoki materialni mustaqil o’rganish maqsadidagi o’quv shakli.
Musulmon maktablarida ta’lim tizimi – besh toifaga bo’lingan edi:

1. 
   Quyi maktab –bu maktablarda o’g’il bolalarga savod o’rgatishgan (4 yil)
   
2. 
   Xalilxona maktabi- namoz yod oldirib o’rgatilgan.
   
3. 
   Qorixona – Qur’on yod olingan.
   
4. 
   Maktab internat – o’rta madrasa bo’lib, bu maktabda ham diniy, ham duyoviy fanlar o’qitilib o’rta ma’lumot berilgan.