Pedagogika” fakulteti “bt va sti ” yo’nalishi 4- kurs 186-guruh talabasi Egamberganova Shodiyaning

O’ZBEKISTON RESPUBLIKASI OLIY VA O’RTA MAXSUS TA’LIMI VAZIRLIGI
URGANCH DAVLAT UNIVERSITETI
“PEDAGOGIKA” FAKULTETI
“BT va STI ” yo’nalishi 4- kurs 186-guruh talabasi Egamberganova Shodiyaning
“Tarbiyaviy ishlar metodikasi” fanidan tayyorlagan
KURS ISHI


Mavzu: Ota-onalar majlisini tashkil qilish va o’tkazish metodikasi

Topshirdi: ___________________________
Qabul qildi: ____________________________


Mundarija
Kirish………………………………………………………………..3-7
I-bob Sinf rahbarining oila bilan hamkorlik shakllarining mazmuni……8-10
1.1 Sinf rahbarining faoliyatida ota-onalar bilan hamkorlik faoliyatining mohiyati……………………………………………………………………..10-13
1.2 Ota-onalar majlisini rejalashtirish metodikasi………………………14-17
II-bob Boshlang’ich sinfda ota-onalar majlisini tashkil qilishning o’ziga xos jihatlari…………………………………………………………………….18-20
2.1 Ota-onalar majlisining turlari……………………………………….20-22
2.2 Ota-onalar majlisini tashkil qilishga qo’yilgan talablar……………..23-29
Xulosa……………………………………………………………………….30-32
Foydalanilgan adabiyotlar………………………………………………….33-34

Kirish
Mavzuning dolzarbligi. O’zbekistonning kelajakdagi ravnaqi bugungi yosh avlodning to’laqonli tarbiyasiga ko’p jihatdan bog’liq. Har bir ota-ona o’z farzandining komil inson bo’lib etishishi uchun qayg’urishi, uni e’tiqodli va ma’rifatli qilib tarbiyalashi lozim. Ta’lim mazmunining yil sayin o’zgarib, takomillashib borishi maktab va ota-onalar oldiga yangi talablar qo’ymoqda. Ta’lim-tarbiya tizimi jamiyatimizda kechayotgan islohotlar, yangilanish jarayonlari bilan uyg’un holda rivojlanmoqda. Yurtboshimiz tashabbusi bilan ta’lim sohasida tub islohotlarni amalga oshirishga e’tibor qaratildi. Bu borada Birinchi Prezident Islom Karimovning O’zbekiston Respublikasi Oliy Majlisining 9-sessiyasida (1997 yil 29 avgust) so’zlagan «Barkamol avlod – O’zbekiston taraqqiyotining poydevori» mavzusidagi ma’ruzasi alohida ahamiyatga ega. Mazkur nutqda Prezident ta’lim sohasidagi islohotlarning asl mohiyatini aniq tushuntirib beradi: «...bugungi kunda oldimizga qo’ygan buyuk maqsadlarimizga, ezgu niyatlarimizga erishishimiz, jamiyatimizning yangilanishi, hayotimizning taraqqiyoti va istiqboli, amalga oshirilayotgan islohotlarimiz, rejalarimizning samarasi, taqdiri bularning barchasi, avvalambor, zamon talablariga javob beradigan yuqori malakali, yangi mutaxassis kadrlar tayyorlash muammosi bilan chambarchas bog’liqligini barchamiz anglab etmoqdamiz, faqatgina chinakam ma’rifatli odam inson qadrini, millat qadriyatlarini, bir so’z bilan aytganda, o’zligini anglashi, erkin va ozod jamiyatda yashashi, mustaqil davlatimizning jahon hamjamiyatida o’ziga munosib, obro’li o’rin egallashi uchun fidoiylik bilan kurashishi mumkin», - dedi va bu vazifalarning hal etish yo’llarini ko’rsatib berdi.
“Daraxtning kamolga yetgani mevasi
bilan bo’lganidek, baxt – saodatning
mukammal bo’lishi yaxshi xulqda namoyon bo’ladi” (Abu Nasr Farobiy)
Oila – tarbiya o’chog’i, u jamiyatning bir bo’lagi, Vatan ichidagi mo’jaz Vatan. Oilada sog’lom muhit barqaror, ma’naviyat mustahkam bo’lsa, yurtimiz yanada farovon, mustaqilligimiz boqiy bo’ladi. Inson oilasi bag’rida ertangi, undan keyingi, bir umrlik faoliyati uchun kuch – quvvat to’playdi. Ayniqsa, xalqimiz barcha ezgu, orzu-umidlarini farzandlari, oilasi bilan bog’laydi. O’zidagi barcha fazilatlarni, ming asrlik milliy qadriyatlarni oila muhitida farzandlariga singdirishga harakat qiladi. Shuning uchun oilani – millat qo’rg’oni, ma’naviyat qo’rg’oni deydilar. Ota-onalar o’z farzandiga nafaqat moddiy e’tibor, balki ma’naviy tarbiya ham bermog’i, ularning qalb go’zalligiga erishmog’i uchun turli usullardan foydalana bilmog’i kerak. Bolalarga insoniy fazilatlar, asosan, sinf rahbari orqali singdiriladi.
O’qituvchi – sinf rahbari – o’quvchi – ota-onalarning o’zaro hamkorligi orqali esa bu jarayon maromiga yetkaziladi. Kurs ishining maqsadi: Maktab hamda jamoatchilikning oila ma’naviyatini yuksaltirishdagi o’rnini o’rganish. Kadrlar tayyorlash milliy dasturining maqsadi - ta’lim sohasini tubdan isloh qilish, uni o’tmishdan qolgan mafkuraviy qarashlar va sarqitlardan to’la xalos etish, rivojlangan demokratik davlatlar darajasida, yuksak ma’naviy va axloqiy talablarga javob beruvchi yuqori malakali kadrlar tayyorlash Milliy tizimini yaratishdir. Dunyoga yangi ko’z bilan qaraydigan, uddaburon, ishning ko’zini biluvchi, buyuk kelajagimiz poydevorini quruvchi va yuksaltiruvchi mutaxassis kadrlarni tayyorlash, respublikamiz pedagoglari oldida turgan eng muhim va mas’uliyatli vazifadir. Ta’lim-tarbiya jarayonida buyuk allomalarimizning bizga qoldirgan ma’naviy merosidan foydalanib yoshlarni komil inson etib yetkazish pedagogika fanining asosiy vazifalaridan biri. Ma’naviyat shunday kuchki, insonni ulug’ Bunyodkorlikka, Vatanparvarlikka, Ezgulikka yetaklaydi. U insonni ezgu maqsadlar qo’yishga va uni amalga oshirish yo’lida fidoyilarcha o’zini bag’ishlashga undaydi. Ma’naviyat insonning g’oyaviy, mafkuraviy, ma’rifiy, madaniy, diniy va axloqiy pozitsiyasini belgilab beradi. Yuksak ma’naviyatli shaxsni shakllantirish davr talabidir. Farzandlarimizni mustaqil va keng fikrlash qobiliyatiga ega bo’lgan, ongli yashaydigan komil inson etib voyaga yetkazish – ta’lim-tarbiya sohasini asosiy maqsadi vazifasi bo’lishi lozim,deb ta’kidlaydilar yurtboshimiz. . Ma’lumki, istiqlol yillarida mamlakatimizda ta’lim-tarbiya sohasini isloh qilish va rivojlantirish masalasi davlat siyosatining eng muhim va ustuvor yo’nalishlaridan biri sifatida belgilanib, Birinchi Prezidentimiz Islom Karimovning doimiy e’tibor markazida bo’lib kelmoqda. Yurtimizdagi barcha islohotlar qatori bu sohadagi tarixiy o’zgarishlar ham davlatimiz rahbarining bevosita tashabbusi va rahnamoligi ostida amalga oshirilmoqda. Xususan, ushbu sohada tub burilish yasagan, ta’limning ma’no-mazmunini butunlay o’zgartirib yuborgan “Ta’lim to’g’risida”gi qonun, Kadrlar tayyorlash milliy dasturi, Maktab ta’limini rivojlantirish davlat umummilliy dasturi kabi mustaqil taraqqiyotimizda tom ma’noda hal qiluvchi ahamiyatga ega bo’lgan muhim hujjatlar Yurtboshimizning yosh avlod haqidagi g’amxo’rlik va e’tiborining amaliy ifodasi sifatida vujudga kelganini barchamiz yaxshi bilamiz. Aynan ana shu qonun hujjatlari asosida diyorimizda ta’limning bugungi talablarga to’liq javob beradigan zamonaviy modeli shakllandi va uning samarali faoliyati nafaqat o’zimizda, balki dunyo miqyosida ham tan olinmoqda. SHuni alohida ta’kidlash lozimki, ta’lim-tarbiya sohasidagi eng ilg’or milliy va umumbashariy bilim hamda tajribalar, an’ana va qadriyatlarni o’zida mujassam etgan ushbu modelda ta’limni ma’naviy-axloqiy tarbiya jarayoni bilan uzviy bog’liq holda olib borish masalasiga alohida e’tibor beriladi. Bunday konseptual qarash Prezidentimizning ma’naviyat, ta’lim-tarbiya, yosh avlod kelajagi, bir so’z bilan aytganda, xalqimiz va Vatanimiz istiqboliga daxldor bo’lgan barcha chiqishlarida, kitob va risolalarida o’z aksini topib kelmoqda. Birinchi Prezidentimiz Islom Karimov o’zining “Yuksak Ma’naviyat – yengilmas kuch” kitobida ma’naviyatning inson kamolotidagi o’rni, jamiyat rivojidagi bemisl ahamiyatini juda chuqur mushohada va hayotiy tajribadan kelib chiqib tahlil qilib berdi. Muallif ma’naviyatga insonni ruhan poklanish va qalban ulg’ayishga chorlaydigan, odamning ichki dunyosi, irodasini baquvvat, iymon-e’tiqodini butun qiladigan, uning vijdonini uyg’otuvchi beqiyos kuch” deb ta’rif berar ekan, ma’naviy tarbiya masalasini hayot-mamot masalasi deb biladi. Yurtboshimiz yozadilar: “Biz xalqimizning dunyoda hech kimdan kam bo’lmasligi, farzandlarimizning bizdan ko’ra kuchli, bilimli, dono va albatta baxtli bo’lib yashashi uchun bor kuch va imkoniyatlarimizni safarbar etayotgan ekanmiz, bu borada ma’naviy tarbiya masalasi, hech shubhasiz, beqiyos ahamiyat kasb etadi.