Педагогика 5111800 Мактабгача таълим

4-илова
ФСМУ технологияси

Жадвални тўлдиринг

Савол	Қизиқувчанлик ва билишга қизиқишни тарбиялаш
(Ф) Фикрингизни баён этинг
(С) Фикрингиз баёнига сабаб кўрсатинг
(М) Кўрсатган сабабингизни исботловчи далил келтиринг
(У) Фикрингизни умумлашти-ринг

5-илова
Ақлий тарбия воситалари.

Бола ривожининг илк босқичида шахсий тажриба теварак-атрофни билишнинг муҳим йўлидир. Бироқ бунинг ўзи боланинг ақлий камолоти учун етарли эмас. Бу эса ўз навбатида уни фаолиятнинг хилма-хил турларига жалб этишни талаб этади.

Мактабгача ёшдаги болаларнинг фаолияти ўзининг тури, мазмуни, шунингдек, ақлий ривожланишга таъсир кўрсатиш имкониятига кўра ҳам фарқ қилади. Шубҳасиз, боланинг кўз ўнгидаги хилма-хил фаолият турлари турли билишга доир вазифаларни, у ёки бу фаолият орқали ҳал этиладиган ечимларни пайдо қилади.
Мактабгача ёш даврида ташкил этилувчи муҳим фаолият турларидан бири – кун тартибига амал қилиш билан боғлиқ кундалик-маиший фаолиятдир. Мазкур фаолият мазмуни айнан сенсор ривожланишга самарали таъсир кўрсатиши билан алоҳида аҳамиятга эга. Ювиниш жараёнида болалар иссиқ ва совуқ сувни фарқлашга ўрганишади, сувнинг бошқа хусусиятларини билиб олишади, совуннинг ҳидини, сочиқнинг қуруқ ва намлигини ҳис этадилар. Эрталабки нонушта, тушлик ва кечки овқатланиш вақтида болалар таом, маҳсулотларнинг ўзига хос хусусиятлари, уларнинг таъми, ҳиди, ранги кабилар билан танишишади. Кун тартибини бажариш жараёнида болалар фазовий ҳаракатлар (ўнг, чап қўл, оёқ, ён томон, орқа томон)ни бажаришади. Болаларнинг кун тартиби вақтининг белгиланганлиги уларга сутка қисмлари (кун, тун), ҳафта кунлари, бугун, эртага, ҳозир, кейин каби тушунчаларни ўзлаштиришга ёрдам беради. Болалар вақтни қадрлаш, кечикмаслик, куттириб қўймаслик кераклигини ўрганишади.