Педагогика 5111800 Мактабгача таълим

Фаннинг мақсад ва вазифалари

Фаннинг мақсади: бўлажак тарбиячиларни таълим-тарбия қонуниятлари, шунингдек, мактабгача таълимга қўйиладиган талаблар, унинг тамойиллари, мазмуни, педагогик асосларини билан яқиндан таништириш.

Фаннинг вазифалари:
- мактабгача педагогика назарияси ва амалиёти, ўзига хос хусусиятлари, таълимий-тарбиявий жиҳатлари, тарбиячининг касбий фаолияти ва унга қўйиладиган талаблар; ёш фуқарони тарбиялаш ишининг мураккаблиги, мактабгача таълим ёшидаги болаларнинг тарбияси ва ривожланиши, мактабгача педагогикада илмий-тадқиқот методлари мактабгача ёшдаги болаларни ақлий, аҳлоқий, жисмоний ва эстетик тарбиялашда янги педагогик технологиялар, болаларни мактаб таълимига тайёрлаш, мактабгача педагогика тарихи, мактабгача муассасаларини ташкил этиш ва унга раҳбарлик этиш. Ўзбекистон Республикасида мактабгача таълим муассасалари системаси, унга раҳбарлик қилиш ва ташкил этишнинг замонавий усуллари ҳақида билим, тегишли кўникма ыва малакаларни ҳосил қилиш.
Фан бўйича талабаларнинг билимига, кўникма ва малакаларига қўйиладиган талаблар
Мактабгача педагогика ўқув фанини ўзлаштириш натижасида бакалавр:
- мактабгача таълимнинг таълим тизимида тутган ўрни, мактабгача таълим бўйича касбий фаолиятнинг умумий тамойиллари, мактабгача педагогиканинг педагогика назарияси ва тарихи фани билан узвийлиги,мактабгача педагогиканинг ривожланиш тамойиллари тўғрисида мактабгача педагогика тарихи, Ўзбекистон Республикасида мактабгача таълим муассасалари системасини билиши;
- мактабгача педагогиканинг назарий ва амалий билимларини эгаллаш,мактабгача таълим муассасаларида болаларга ақлий, аҳлоқий, жисмоний ва эстетик тарбия бериш, мактабгача педагогикадан ўз фаолиятини режалаштириш бўйича кўникмаларга эга бўлиши;
- мактабгача таълимнинг асосий принциплари, мактабгача таълим педагогига қўйиладиган асосий талаблар, мактабгача таълимнинг мазмуни, илмий-тадқиқот методлари,мактабгача ёшдаги болаларга ақлий тарбия бериш, мактабгача ёшдаги болаларни ахлоқий, жисмоний ва эстетик тарбиялаш, мактабгача таълимнинг узвийлиги ва узлуксизлиги, мактабгача таълим муассасаларида ва оилада тарбия жараёнини ташкил этиш малакаларига эга бўлиши керак.