Pedagogika 017, 3-son Bosh muharrir

Kлючевые слова: 
линейное программирование, система линейного 
уравнения, целевая функция, нормальный вектор, оптимальное решение, 
интерпретация, системы дифференциальных уравнений. 
*
Raxmatova Balay Babakulovna, 
Chirchiq OTQMBYU tabiiy-ilmiy fanlar kafedrasi dotsenti. QK 
xizmatchisi. 
*
Xalilayev Batirjon Taxirovich,
Chirchiq OTQMBYU tabiiy-ilmiy fanlar kafedrasi o‘qituvchi. QK 
xizmatchisi. 
B. Raxmatova
*
 
B. Xalilayev
*
 

---

PEDAGOGIKA 
2017, 3-son
 
 
80 
zbekiston Respublikasi Qurolli Kuchlari uchun yetuk kadrlar 
tayyorlash, shaxsni kamol toptirish, ularning qalbida milliy istiqlol g‘oyasi, 
Vatanga sadoqat tuyg‘ularini uyg‘otish, ma’naviy-ma’rifiy, umumbashariy 
insoniy qadriyatlar, zamonaviy talablar va harbiy an’analar ruhida tarbiyalash 
masalalari davlatimiz siyosatining ustuvor yo‘nalishlaridan biri bo‘lib, harbiy 
ta’lim tizimida amalga oshirilayotgan izchil islohotlarning bosh maqsadi ham 
milliy armiyamizni ma’naviy-axloqiy, ruhiy va professional tayyorgarligi yuqori 
darajada bo‘lgan, mustahkam iroda va salohiyatga ega bo‘lgan harbiy kadrlar 
bilan ta’minlashga qaratilmoqda. Bunday kadrlarni yetkazib berish oliy harbiy 
bilim yurtlari o‘qituvchilari zimmasidagi eng mas’uliyatli vazifa bo‘lib, bu o‘quv 
jarayonlarining qanday tashkil etilishi va olib borilishi, erishilayotgan ta’limiy 
natijalarning qanchalik kafolatlanganligi bilan belgilanadi. Harbiy bilim yurtlarida 
tabiiy-ilmiy fanlar qatorida, oliy matematikaning o‘qitilishi, keng qamrovli 
harbiy kadrni tayyorlashga yordam berishi avvaldan isbotlangan. Bu esa ta’lim 
beruvchi oldiga matematikaning har bir mavzusining tatbiqiy jihatlarini ochib 
berish, ya’ni fanni yo‘nalish talablaridan kelib chiqib o‘qitish, qisqa vaqt ichida 
kursantlarning yaxshi o‘zlashtirishlariga erishish, amaliy faoliyatlari uchun zarur 
ko‘nikmalarni hosil qilish kabi dolzarb muammolarni keltirib chiqaradi. Bunday 
vazifani hal etish o‘quv jarayoni xarakterini zamon talablari darajasiga yetkazish, 
o‘qitishning yangi interfaol usullarini qo‘llash bilan birga fanlararo bog‘lanish, 
kasbga yo‘naltirilganlik jihatlarni inobatga olishni taqozo etadi.
Harbiy soha bevosita texnikaga bog‘liq sohalardan biri bo‘lib, har qanday 
harbiy-texnik va amaliy masalalarni hal etish matematika fanining tatbiqisiz 
amalga oshmaydi. Demak, armiyani boshqarish, harbiy texnikani boshqarish 
kabi harbiy sohaning muhim yo‘nalishlarini yetarlicha egallash uchun ofitserlar 
doimiy ravishda matematik bilimlarini kengaytirib borishlariga to‘g‘ri keladi, bu 
bilan ularning matematik mushohadalari, ilmiy-ijodiy fikrlashi, muhandislik va 
qo‘mondonlik qobiliyati, muhim harbiy vaziyatlarni baholashda eng maqbul 
(optimal) qarorlarni tanlay olish ko‘nikmasi rivojlantirib boriladi. 
Harbiy sohada ham qo‘shinlarni boshqarish, marsh va to‘qnashuv janglari, 
ta’minot hamda shtab ishlarini rejalashtirish, boshqa jarayonlarni o‘rganish, 
tahlil qilishda matematika metodlari muvaffaqiyatli qo‘llab kelingan va bu 
jarayon davom etmoqda.
Harbiy sohada matematik metodlarni qo‘llashning asosiy yo‘nalishlari: 
­
ilmiy asoslangan qarorlar va rejalar ishlab chiqish, ularni jangovar 
harakatlarda amalga oshirish; 
­
qo‘shinlarni boshqarish tizimi va jarayonlarini bosqichma-bosqich 
o‘rganish, tahlil qilish va uni takomillashtirish; 

---