Pedagogika 016, 1-son Bosh muharrir

PEDAGOGIKA
2016, 1-son
 
 
28 
Universitetda 2ta fundamental, 25ta amaliy, 5ta innovatsion, 6ta yoshlar 
ilmiy loyihalari amalga oshirilmoqda. Shuningdek, “TEMPUS” va “Erasmus plyus” 
xalqaro dasturlari doirasida 2ta loyiha amalga oshirilayotgan bо‘lib, loyihalar 
doirasida 172 million sо‘mdan ortiq mablag‘ga о‘quv-laboratoriya jihozlari 
olinishiga erishildi. 
Universitetimiz ilmiy jamoasi tomonidan har yili tashkil etilayotgan 
innovatsion g‘oyalar, texnologiyalar va loyihalar Respublika yarmarkasiga ta’lim 
tizimiga axborot texnologiyalarini joriy etish, multimediali ta’lim resurslarini 
yaratishga qaratilgan ishlanmalar taqdim etib borilmoqda. Sо‘nggi yillarda 
iqtidorli talabalar va yosh olimlar tomonidan yaratilgan innovatsion ta’lim 
resurslari, raqobatbardosh texnik ishlanmalar, ayniqsa energiya tejamkorligi 
bо‘yicha tayyorlangan ishlanmalar yarmarkaga olib chiqildi.
Keyingi 3 yil davomida universitetda 3ta xalqaro, 30ga yaqin respublika va 
vazirlik miqyosidagi ilmiy konferensiyalar tashkil etildi. Mazkur anjumanlarda 
Respublikamiz uzluksiz ta’lim tizimidagi ilg‘or tajribalar Rossiya, Latviya, Bosniya 
va Gersogovina, Italiya, Germaniya, Koreya kabi ta’lim tizimi taraqqiy etgan 
davlatlardan tashrif buyurgan ekspertlar ishtirokida muhokama qilinib, erishilgan 
natijalar e’tirof etildi. 
Konferensiyalarda yetakchi olimlar bilan bir qatorda iqtidorli talabalar, 
magistrantlar, yosh olimlar, katta ilmiy xodim-izlanuvchilarning ishtiroki ortib 
bormoqda. Konferensiya о‘tkazilishi yangi ilmiy loyihalar, magistrlik va doktorlik 
dissertatsiyalarining ilmiy jihatdan shakllanishiga zamin yaratmoqda. 
Universitetda pedagogika, psixologiya, xususiy metodika fanlari bо‘yicha 
yaratilgan tadqiqotlarni yorituvchi “Pedagogika” jurnali chop qilinib kelmoqda va 
nafaqat universitet olimlari, balki uzoq va yaqin xorijiy mamlakat olimlari hamda 
Respublikamiz ta’lim muassasalari olimlarining ilmiy izlanishlarini yoritib 
kelmoqda. Universitet va turdosh muassasalar olimlari hamda yosh izlanuvchilar, 
xorijiy hamkorlarning fundamental va amaliy fanlar sohasida erishgan yutuqlarini 
qо‘llab-quvvatlash maqsadida “Toshkent davlat pedagogika universiteti ilmiy 
axborotnomasi” ta’sis etildi.