Pedagogika 015, 6-son Muassis: Nizomiy nomidagi Toshkent

Вайсбурд М. Л., Блохина С. А.
Обучение пониманию иноязычного текста при чтении 
как поисковой деятельности // Иностранные языки в школе. – Москва, 1997. – № 2. – С. 89.
2
Доблаев Л. П.
Вопросы психологии понимания учебного текста. – Саратов: Саратовского 
университета, 1965. – С. 92. 

---

PEDAGOGIKA
2015, 6-son
 
 
106 
Ikkinchi bosqichda o‘quvchilar matnni aytib berish uchun asosiy 
g‘oyalarni ajratish va matnning mantiqiy strukturasini anglashga oid ma’lum 
malakalarini namoyon qiladi (Matnni aytib berish – maqsad emas, balki 
tushunishni o‘rgatish vositalaridan biri, xolos). Savollarni mustaqil qo‘yish endi 
faqat o‘qituvchining talabi emas, balki o‘quvchining matndan olgan axborotlarini 
nutqda qo‘llab, matnni gapirib berish va savollarga javob bera olish uchun bilim 
olishga, materialni tushunish hamda uni eslab qolishga harakati bilan ham 
ifodalanadi.
Uchinchi bosqich uchun o‘quvchilarning matnni yaxshiroq tushunishga, 
mazmun masalasini hal qilishga, noma’lumni anglashga, matndan javob topish, 
matndagi axborotni mustaqil idrok etishga intilishi xarakterli. Bu bosqichda 
asosiy usullar o‘z-o‘ziga savol qo‘yish va javob topish, taxminlar orqali matn 
mazmunini ochishdan iborat. Ko‘p hollarda bu usullardan mustaqil foydalaniladi. 
To‘rtinchi bosqichda matnga tanqidiy munosabat bildiriladi. “Nihoyat, 
matn mazmunini anglash bu jarayonda yuzaga keladigan psixologik holat aqliy 
faoliyat va bunda yuzaga keladigan qiyinchiliklarni yengishga tayyorlik holati 
bilan kechadi”. Matn bilan ishlashning quyidagi ketma-ketligi tavsiya etiladi:
1. Sarlavhani o‘qiymiz, mazmunini tasavvur etamiz, matn o‘qish 
maqsadini belgilaymiz.
2. Matndagi notanish so‘zni ajratamiz.
3. Lug‘atdan foydalanamiz.
4. Matnni qaytadan o‘qiymiz, mazmuni haqida yaxlit tasavvur hosil 
qilamiz.
5. Olingan axborotni xotirada saqlash masalasini hal etamiz. 
Tavsiya etilgan matn bilan ishlash usullari asosan an’anaviy bo‘lib, bu 
matn mazmunini tushunishni o‘rgatish amaliyotidagi ma’lum turg‘unlik 
holatidan dalolat, biroq, shubha yo‘qki, bu jarayon amaliyotchi-o‘qituvchilar 
diqqat markazida turibdi. Bunday usullardan foydalanish matn o‘qitishdagi 
mavjud muammolarni butunlay hal etmasa-da, ingliz tili darsida o‘quvchi 
faolligini oshirishga xizmat qiladi. 
Endigi navbatda matnning lingvodidaktik tavsifiga to‘xtalib o‘tamiz. 
“Lingvodidaktika” hamda “metodika” alohida, erkin termin sifatida qo‘llaniladi 
va ularga quyidagicha ta'rif beriladi: 
Lingvodidaktika til o‘qitishning umumiy nazariyasi sifatida qo‘llanilib, til 
o‘qitishning metodologik asosini yaratadi. Lingvodidaktika til o‘qitish 
mazmunini, maqsadini, vazifasini, prinsiplarini, tadqiqot metodlari, ta’lim 

---