Pedagogika 015, 2-son Muassis: Nizomiy

Насриддинова Д.Х. Гуманитаризация подготовки будущего учителя – бакалавра в 
системе высшего образования (на примере педагогических дисциплин): дисс. ... канд. пед. 
наук. – Ташкент, 2000. – С. 21. 

---

PEDAGOGIKA
2015, 2-son
 
 
27 
Ta’lim tizimida bo‘lajak o‘qituvchi shaxsiyatini rivojlantirishning muhim 
sharti sifatida o‘quv jarayonining ijtimoiy qadriyatli yo‘nalishga ega bo‘lishini 
ta’kidlaymiz. Buning uchun o‘quv jarayonining quyidagi tamoyillar asosida 
qurilishi muhim ahamiyatga ega: insonparvarlik; demokratiya; tabiatni anglash; 
madaniyatni anglash; individual-shaxsiy yondashuv kabilar. 
Pedagogik turkum fanlarini o‘zlashtirish jarayonida bo‘lajak o‘qituvchi 
shaxsining ahamiyatli-fikriy sohalari dolzarblashadi. Shuningdek, bo‘lajak 
o‘qituvchining kasbiy-shaxsiy shakllanishi uchun sharoit yaratiladi. 
Bo‘lajak o‘qituvchilarning ijodkorligini rivojlantiruvchi omillar sirasiga 
quyidagilarni kiritish mumkin: 
­ oliy pedagogik ta’lim jarayonini talabalardagi kasbiy ijodkorligini 
rivojlantirishga yo‘naltirish; 
­ talabalarga shaxs va bo‘lajak yetuk kadr sifatida yondashish, shu tariqa 
ularni o‘quv jarayoni, kasbiy va hayotiy faoliyat subyekti sifatida rivojlantirish; 
­ talabalarning shaxsiy-kasbiy faoliyat subyekti sifatida rivojlantirish 
mayllarini shakllantirish; 
­ o‘quv jarayonining izlanuvchilik hamda muammoli tadqiqotchilik 
yo‘nalishlarini kuchaytirish; 
­ bo‘lajak o‘qituvchilarning muammolarini ijodiy yechish va 
yaratuvchilik faoliyatini rivojlantirish; 
­ talabalarning ijodiy faoliyat tajribasiga kasbiy zaruriyat va istiqboldagi 
kasbiy faoliyat mazmunining tarkibiy qismi sifatida yondashishlariga erishish; 
­ talabalarning kasbiy ko‘nikma va layoqatlarini rivojlantirish jarayonini 
zamonaviy texnologiyalar ustida ishlash asosida rivojlantirishga yo‘naltirish, 
ularda mustaqil ijodiy faoliyat ko‘rsatish, mustaqil bilim olish, o‘z-o‘zini 
tarbiyalash, o‘z-o‘zini bilish, o‘z mavqeyiga ega bo‘lish, o‘z-o‘zini tasdiqlash 
layoqatini tarkib toptirish; 
­ o‘z-o‘zini mustaqil kasbiy rivojlantirish jarayonida shaxsiy nuqtayi 
nazarini dolzarblashtirish, o‘z mavqeyini aniqlash sohasidagi shaxsiy tajribalarini 
oydinlashtirish, o‘z faoliyatini tatbiq etish, o‘zining ijodkorligini namoyon qilish 
va o‘z-o‘zini tarbiyalash; 
­ pedagogik amaliyot va tadqiqotchilik faoliyatida o‘zining ijodiy 
quvvatlarini namoyon qilish; 
­ talabalarning auditoriyadan tashqari ishlarini tashkil etishda ularni 
ijtimoiy shaxsiy qadriyatlarni egallashga yo‘naltirish; 

---