Педагогик технологиялар ва интерфаол методлар жамланмаси

. Якун чиқарувчи плакат.
Ўқувчилар дарс давомида мазкур фан бўйича олинган ахборот ва билимларга якун чиқариш имкониятига ҳамда қобилиятига эга бўлмайдилар. Бундан ташқари, ярим йиллик охирига келиб ўқувчилардаги фанга бўлган ғайрат кўпинча камайиб боради. Ўқитувчиларда ҳам ёзма ишларни текширишга вақт ва куч кам бўлади. қуйида баён этиладиган техника бу муаммоларни ҳал қилишда ёрдам беришни назарда тутади. У бутун дарс материалини такрорлашда ёрдам беради. 3-5 кишилик кичик гуруҳларга ажратилган ўқувчилар охирги ярим йилликда олинган билимларни жамловчи плакатни иккита дарс мобайнида тайёрлайдилар. Машғулотни ўтказиш усули Ярим йиллик охирида синфни 3-5 кишидан иборат кичик гуруҳларга бўлинг. Буни амалга оширар экансиз, ҳар бир гуруҳ таркибига ҳам қобилиятлироқ, ҳам материални ўзлаштиришда муаммоларга эга бўлган ўқувчилар киришига эътибор беринг. Плакатни тайёрлашга бағишланган биринчи дарс бошида «Дарсга якун ясовчи плакат-гуруҳлар учун йўриқнома» материалини ўқувчиларга тарқатинг. Ўқувчиларга тарқатилган материални муҳокама қилар экансиз, уларга ишни тайёрлаш ва ёзиш қоидаларини тушунтиринг, уларнинг барча саволлари ҳамда гумонларига жавоб беринг. Плакатда ўқитишнинг қайси даври акс этиши лозимлигини аниқ белгиланг. Плакатлар материални такрорлаш шакли ҳисобланишини такидланг. Плакатлар гуруҳни барча аъзолари ишининг натижаси бўлиши керак. Плакатлар (ҳаммаси ёки энг яхшилари) баҳоланади. Плакатлар қуйидаги мезонлар бўйича баҳоланади: мавзуни танлаш: ахборотни танлаш ва тақдим этиш усули: ҳозиржавоблик. Плакатлар артистизм нуқтаи назаридан баҳоланмайди, аммо ишни тоза ҳамда тартибли бажарилиши яхши баҳо олишнинг шарти ҳисобланади. 4.Ишни тўғри режалаштиришнинг аҳамиятини таъкидланг. Биринчи дарс вақтида гуруҳлар мавзуни, шунингдек плакат лойиҳасини аниқлаши керак. Иккинчи дарс вақтида улар плакатларни тайёрлайдилар ва бутун синфга тақдим қиладилар. 5.Гуруҳлар ишлаётган вақтда уларнинг ишларини кузатинг, зарур бўлганда маслаҳатингиз билан ёрдам беринг. 6.Ҳар бир лойиҳа маъқулланганидан сўнг плакатни тайёрлаш учун материални тарқатинг. 7.Бажарилган плакатларни синф деворига осиб қўйинг ва муаллифлардан уларни изоҳлашни сўранг, плакатларда берилган материалларни синф билан биргаликда муҳокама қилинг. Тайёр плакатлар такрорлаш учун материал ҳисобланади.
38