Педагогик технологиялар ва интерфаол методлар жамланмаси

“Семинар машғулотларини ташкил этиш “ методи
Семинар ўтказиш умумий умумий мактаблар учун қулай бўлиб, умумий илмий дунёқарашни кенгайтиришга, таълим олувчиларни танлаган фан соҳалари бўйича муҳим муаммолар ва тадқиқотлар билан таништиришга ёрдам беради. Ўқувчининг семинарга тайёргарлик кўриши амалий ишлари 4 босқичдан иборат бўлади: Биринчи босқичда семинар режасига кўра мавзу, мақсад ва саволлар аниқланиши зарур. Бунда ҳар ўқувчининг ўз ўрни ва вазифаси ( реферат тайёрлаш, чиқиш қилиш ва б.) барчаси кўриб чиқилади. Семинарга тайёргарликнинг иккинчи босқичи тавсия қилинган адабиётларни тўплаш ва танишишдан иборат. Учинчи босқич манбаларни чуқур ўрганиш босқичи. Тўртинчи ( якуний) босқич конспект билан батафсил ишлашни тақозо этади: яна бир марта конспектни ўқиб чиқиш, унда белгилаш (сарлавҳани қайд этиш, бирмунча муҳим қисмларга ажратиш ва б.)ни амалга ошириш, якуний режани тузиш. Барча босқичларда ўқувчилар бевосита ўқитувчи раҳбарлигида ишлашади. Семинар ҳам бошқа ҳар қандай машғулот турига ўхшаб, кўргазмали воситалардан кенг фойдаланишни тақозо этади. Педагогик тажрибалар натижаларининг таҳлилига кўра, фақат кўргазмали васиталар билангина таълим олувчиларга юқори даражада ҳаяжонли таъсир этишга эришиш мумкин. Кўп ҳолларда кўргазмали воситалар ичида плакат, компьютерли тасвир, слайд, диафильм ва видеоёзувлардан фойдаланилади.Улар талабаларнинг мантиқий фикрлашиши учун таянч бўлиб хизмат қилиш имконини беради. Ўқитувчининг якуний сўзи семинар мазмуни билан аниқланади ва қуйидагиларни акс эттиради: -ҳар бир ўқувчининг ва умуман гуруҳ чиқишини баҳолаш; - саволларни муҳокама қилиш даражасини баҳолаш; - семинар давомида етарлича ёритилмаган саволларга жавоблар; - чиқишларнинг кучли ва заиф томонларини баҳолаш, шу билан бирга талабалардан бирининг, ёрқин ва мустақил фикрлаганлигини ёки чиқиш қилганлигини таъкидлаш; - хоҳловчиларга қўшимча адабиётлар тавсия этиш; - кейинги семинарга тайёргарлик кўриш бўйича истаклар; Семинар якуни бўйича хулоса 5 дақиқадан ошмаслиги лозим.Тил қисқа, аниқ ва қатъий; фикр мумкин қадар лўнда бўлгани маъқул.Нутқда панд-насиҳат ва ўғитга йўл қўймаслик лозим. Ўқитувчининг методик маҳорати, назокати ва салоҳияти айнан якуний сўзда бирмунча ёрқин намоён бўлади.
62