Педагогик институтлари учун дарслик

Машғулотларнинг методик ишланмаси
1-машғулот.
Ахборот тизимлари ва уларнинг турлари.


Мақсад. Ахборот тизимларидан фойдаланиш билан боғлиқ бўлган асосий ғояларни баён қилиш, тизимларнинг мавжуд турларининг ҳар хиллилиги ва таъминоти билан таништириш.


Материаллар. Мавзу бўйича жадваллар ёки тақдимот слайдлари, «Информатика ва ахборот технологиялари» электрон мултимедиавий дарслиги.


Вақт. 2 академик соат.


Шакли. Маъруза.


Машғулотнинг бориши.

1. 
   Ташкилий қисм.
   
2. 
   Ўқитувчи машғулот мавзусини эълон қилади.
   

1. 
   Мазкур мавзунинг назарий материали ўқувчилар учун
   янги бўлганлиги сабабли, ўқитувчи ўзи назарий материални етарли даражада схемалардан, уларнинг жадвали ёки тақдимот слайдларидан фойдаланган ҳолда тушунтиради.
   
2. 
   Ахборот тизимлари таъминотини тушинтиришни ўқитувчи
   ўқувчиларнинг аппарат ва дастурий таъминоти ҳақидаги ўрта
   умумтаълим мактабда олган дастлабки билимларига суянган
   ҳолда олиб боради. ўқувчиларга савол билан мурожаат этиб,
   уларнинг жавобларини тўлдириши ва кенгайтириши мумкин.
   

Ахборот тизимлари таъминотининг асосий турлари қуйидагилар ҳисобланади:

• 
  аппарат таъминоти;
  
• 
  дастурий таъминот;
  
• 
  ахборот таъминоти;
  
• 
  ташкилий таъминот;
  
• 
  ҳусусий таъминот.
  

Аппарат таъминотига аввало шахсий компьютер (қўшимча қурилмалари: сичқонча, сканер, СД-RОM, овозбилан ишлаш қурилмалари ва бошқалар) киради.
Шахсий компьютерлар тармоқларда ишлаши мумкин. Бунинг учун махсус тармоқ ва коммуникацион қурилма, тармоқ платалари, модемлар, адаптерлар, кабеллар, узлуксиз ток манбалари ва бошқалар керак бўлади. Бу қўшимча қурилмалар ҳам ахборот технологиясининг аппарат таъминотига киради.