Педагогик институтлари учун дарслик

Дастурий таъминотга шахсий компьютер учун кенг тарқал-ган қуйидаги дастурий маҳсулотлар киради: матнли процессор, стол устида нашр тизимлари, электрон календар, график муҳаррир, электрон жадваллар, маълумотлар базаларини бошқариш тизимлари, функционал вазифадаги ахборот технологиялари (молия, бухгалтерия, маркетинг учун ва ҳ.к.), эксперт тизимлари ва бошқалар.


Ахборот таъминоти — ахборотни кодлаш ва туркумлаш тизимларининг биргаликдаги мажмуаси.


Ташкилий таъминот — муайят соҳада ахборот тизимларидан фойдаланиш ва уларни ташкил қилиш усуллари ҳамда воситалари мажмуасидир. Юқоридаги таъминот турларидан учтаси бўлиб, ташкилий таъминот бўлмаса, биз ахборот таъминотини амалга ошган факт деб ҳисоблай олмаймиз.


Ҳуқуқий таъминот — ахборот таъминотидан фойдаланиш-нинг юридик мақомини аниқловчи ҳуқуқий нормалар йиғин-дисидир. Ҳуқуқий таъминотнинг энг асосий мақсади ахборот ишлаб чиқариш соҳасида қонунийликни мустаҳкамлашдир.

Мамлакатимизда 1992-йил 8-декабрда Ахборотлаштириш маркази ташкил қилинди. Унинг мақсади жамиятни ахборот-лаштириш ва компьютерлаштириш бўйича ҳужжатлар йиғишдан иборат.

2004-йилда қабул қилинган «Ўзбекистон Республикасини ахбо-ротлаш концепцияси»да қуйидаги стратегик масалалар қўйилган:

• 
  миллий компьютер тармоғини ташкил қилиш;
  
• 
  ахборотнинг маҳсулот сифатида ҳуқуқий асосини ташкил қилиш;
  
• 
  мамлакатимиз ахборот индустриясини мустаҳкамлаш.
  
  
  

Шундай қилиб, ахборот тизимини аппарат, дастурий, ахборий, ташкилий ва ҳуқуқий таъминотларнинг мажмуаси сифатида кўришимиз мумкин.

Аппарат таъминот

Дастурий таъминот

Ташкилий таъминот

Ахборий таъминот

Хукукий таъминот

5. Ўқитувчи машғулотни «Беш дақиқалик ессе» интерактив ўқитиш технологиясидан фойдаланиб якунлаши мумкин. Бунда ўқувчилардан қуйидаги саволларга ёзма жавоб беришлари сўралади:

1. 
   Мазкур мавзуда сизларга нима ёқди ва нималарни билиб
   олдингиз?
   
2. 
   Жавоб тополмаган бирорта саволни ёзинг.