Педагогик атамалар луғати

Кембриж университети – 1209 йил 17 асрда Декартнинг рационализм ва 
Беконнинг индуктив методи асосида ривожланган илғор илм-фан маркази бўлиб,
янги типдаги университетларидан ўрта аср анънавий таълим тузилмаси сақланиб 
қолган, коллежлардан ташкил топган, ўқув ишлари асосан коллежларда амалга 
оширилган, талабалар тьюторлар раҳбарлигида мустақил равишда ўз 
мутахассисликларига оид манбаларни ўрганадиган Англиянинг қадимий 
университетларидан бири.. 
Кечки мактаб  – катта ёшдаги ўқувчиларнинг иш вақтлари тугагач, таълим-
тарбия жараёни бошланадиган мактаб. 
Кимё Давлат таълим стандарти – кимё таълим мазмуни ва ушбу ўқув 
предмети бўйича ўқувчилар эгаллайдиган билим, кўникма, малакаларга қўйилган 
талабларни давлат томонидан тасдиқланган эталони, модели. 
Кимё ўқитиш методикаси – 1) кимё таълими назарияси ҳамда методикаси 
бўйича талабаларга муайян билим, кўникма, малакалар ҳосил қилишга 
йўналтирилган ўқув фани; 2) кимё ўқитиш методикаси хусусий педагогиканинг 
асосий сохаси. 
Кимё ўқув предмети – нарсаларнинг тузилиши, асосий хусусиятлари, 
ривожланиши ва ўзгаришини ўргатишга қаратилган ўқув предмети. 
Киношрифт – кар-соқов болаларни ўқитадиган мактабларда оғзаки нутқ 
материалини шрифтлар орқали кўрсатиш учун қўлланиладиган кўргазмали восита.
Кирилл ёзуви – Қадимий славянларнинг икки алифбосидан бири. У 
христианликнинг славянлар орасидаги тарғиботчиси Кирилл номи билан боғлиқ 
атама. 
Китобларга қўйиладиган гигиеник талаблар – китобни жиҳозлаш, нашр 
этиш ва у билан муносабатга киришишга оид талаблар. 
Кичик гуруҳ – миқдорига кўра оз сонли ўқувчилардан иборат жамоа, у 
ўқув фаолияти орқали бирлашган таълим олувчилар гуруҳи. 
Кичик мактаб ёши – бошланғич 1-4 синфларда ўқувчиларининг ёш даври. 
Кичик мутахассис – умумтаълим ва касб-ҳунар таълими дастурини 
муваффақиятли ўзлаштирган ЎМҚХТ ўқув муассасалари битирувчиларига 
бериладиган малака даражаси.