Paxtaobod pedagogika kolleji

Gardish bilan bajariladigan mashqlar
1. D.h. Asosiy tik turish, gardish oldinda. Gardishni yuqoriga ko’tarib, unga qaraladi. Gardish pastga tushiriladi. (Mashq 7 marta takrorlanadi)
2. D. h. Oyoqlar kerilgan, gardish pastda. Belni bukib, gardishni yuqoriga ko’tarish bilan bir vaqtda, oyoqni orqaga uzatib, yerga qo’yiladi va dastlabki holatga qaytiladi.(6 marta takrorlanadi)
3. D. h. Oyoqlar kerilgan, gardish orqada, Gavdani yon tomonlarga bukiladi.(Mashq 4 marta takrorlanadi.)
4. D.h. Oyoqlar yelka kengligida ochilgan, gardish oldinda. Gardishni tik tutib, oldin engashiladi, unga qarab turiladi, dastlabki holatga qaytiladi. (Mashq 6 marta takrorlanadi).
5. D.h Chalqancha yotib, gardish ko’krakda. Oyoqlarni bukib, ko’krakka yaqinlashtiriladi, oyoqlar kaftini gardishga ilintirib olib, oyoqlar ko’krakka yaqinroq oyoqlar kaftini gardishdan chiqarib, dastlabki holatga qaytiladi. (Mashq 6 marta takrorlanadi).
6. D.h. Asosiy tik turish, gardish pastda. Tizzalarni yon tomonlarga ochib cho’qqayiladi, gardish tutgan qo’llar oldinga uzatiladi va dastlabki holatga qaytiladi. Mashq 6 marta takrorlanadi.
7. D.h. Oyoqlar kerilgan, gardish pastda. Gardishga kirish. (Mashq 6 marta takrorlanadi).





Tayoqchalar bilan bajariladigan mashq
1. D.h. Oyoqlar kerilgan, tayoqcha pastga tushirilgan. Tayoqcha yuqoriga ko’tariladi, o’ng (chap) oyoqni orqaga tortib, uchini yerga qo’yiladi. Yuqoriga cho’zilib, dastlabki holatga qaytiladi.( Mashq 6 marta takrorlanadi).
2. D.h. Tiz cho’kkan holda tayoqcha yuqoriga ko’tarilgan. O’ngga, chapga engashib datlabki holatga qaytiladi. (Mashq 4 marta takrorlanadi).
3. D.h. Yerga o’tirib, oyoqlar chalishtirilgan, tayoqcha kuraklarda. O’ngga (chapga) burilib dastlabki holatga qaytiladi. (Mashq 5 marta takrorlanadi).
4. D.h. Oyoqlar kerilgan, tayoqcha orqada, kuraklar tagida. Oldinga engashgan holda, kerishib, to’g’riga qaraladi va dastlabki holatga qaytiladi. ( Mashq 6 marta takrorlanadi).
5. D.h. Asosiy tik turish, tayoqcha pastga tushirilgan. O’ng (chap) oyoqni bukib tayoqchadan xatlab o’tiladi va dastlabki holatga qaytiladi. (Mashq 5 marta takrorlanadi).
6. D.h. Oyoqlar sal ochilgan qo’llar belda, tayoqcha yerda oyoqlar orasida. Turgan joyda ikki oyoqlab sakraladi (20 marta sakrash)