Патологик

 
12.7. СУВ-ЭЛЕКТРОЛИТ АЛМАШИНУВИНИНГ БУЗИЛИШИ. 
 
Сув секторларнинг ион таркиби ва уларда сувнинг микдори. 
 
Сув–организмнинг ички мухитини доимийлигини сақлаб турувчи 
асосий компонент хисобланади. Организмдаги сувни миқдори инсонни 
ёшига боғлиқ. Ўрта ёшли соғлом эркакларда унинг микдори 50-60 % ни 
ташкил қилса, аёлларда эса 45-55 % ташкил қилади. Янги туғилган 
чақалоқлар танасининг 80 % ни сув ташкил қилади. Чақалоқ хаётининг 6- 
ойларида аста – секин сув тана оғирлигининг 53-60 % га камаяди ва ёшдан 
қатъий назар шу ўртада ўзгариб туради. Чала туғилган чақалоқларнинг 
тўқималарида сув бирмунча ортиқроқ бўлади. Ортиқча оғирликка эга бўлган 
болаларда эса сув миқдори бирмунча камроқ, чунки ёғ ўзида сув сақламайди. 
Катта одамларда сувнинг 2/3 қисми ҳужайра ичи секторига ва 1/3 
қисми ҳужайра ташқарисида жойлашади. Ҳужайрадан ташқари сектори уз 
ичига қуйидаги суюқликларни олади. 
1)Қон томир ичидаги суюқлик (қон плазмаси) 
2)Интерстициал суюқлик (бириктирувчи туқиманинг “шаклланган” 
суюқлиги) 
3)Ҳужайралараро суюқлик (овқат хазм қилиш йўли безларининг 
шираси, орқа мия суюқлиги ва б.) 
Интерстициал ва ҳужайралараро суюқлик ҳужайрадан ташқарида 
жойлашган суюқликнинг (сувнинг) 3/4 қисмини, қон плазмаси эса 1/3 
қисмини ташкил қилади. 
Айниқса, янги туғилган боланинг тер ива тери ости клечаткаси сувга 
бой шунинг учун бўкишга мойил бўлади, шунинг билан бирга уларда 
қоннинг хажми хам бироз ортиқ бўлади. 
Ёш бола организмида ҳужайра ташқарисидаги суюқлик жўда 
харакатчандир, чунки ёш болалар организмида ҳужайра массаси 
камлиги,бириктирувчи тўқима структуралари яхши ривожланмаган бўлади. 
Шу сабабли сув қон – томир ичига осонгина ута олади. 7- жадвалда ёшга 
боғликравишда ҳужайрадаги ва ҳужайрадан ташқаридаги суюқликлар 
келтирилган. 

---

310