Патологик физиология

12.3 О К С И Л А Л М А Ш И Н У В Н И Н Г Б У З И Л И Ш И 
Аъзо ва тукималарнинг барча функционал ва органик 
шикастланишлари асосида моддалар алмашинувининг бузилиши ётади. Бу 
эса касаллик келиб чиқишига олиб келади ёки алмашинув патологияси омили 
сифатида асосий касалликни чукурлаштириши мумкин. Модда 
алмашинувининг айрим турлари - карбонсув, ёғ, оксил, минерал ва сув - бир 
бирлари билан шу даражада ўзаро яқин алоқада бўладики, модда 
алмашинувнинг айрим турларга бўлиш сунъий ва шартли ҳисобланади, ва 
бундан мақсад баён қилишни ва тушинтиришни осонлаштиришдир. 
Организмни бир неча манбадан оқсил билан таъминланиши оқсил 
алмашинувини полиэтиологик бўлишига сабаб бўлади. 
Оксил алмашинувнинг бузилиши бирламчи ёки иккиламчи хусусиятга 
эга бўлиши мумкин. Оксил алмашинувининг бузилишини энг кўп 
сабаблардан бири микдор ва сифат жиҳатидан оқсилнинг бирламчи 
етишмовчилиги ҳисобланади (экзоген). Булар тўлиқ ва қисман очликда 
экзоген оқсилнинг миқдори камлигига, овқатдаги оқсилларнинг биологик 
қимматининг пастлигига, алмаштириб бўлмайдиган аминокслоталар 
етишмовчилигига (болаларда - валин, изолецйин, лейцин, лизин, метионин, 
треонин, триптофен, фенилаланин, гистидин, аргинин) боғлиқдир.Бир қатор 
касалликларда оқсил алмашинувнинг бузилиши оксил маҳсулотларининг 
ҳазм бўлиши ва сўрилишининг бузилиши натижасида (гастроэнтеритлар, 
ярали колитлар), тўқималарда оқсилнинг юкрри даражада парчаланиши 
273 

---

(Стресс, юкумли касалликларда), эндоген оқсилнинг кўп йўқотилиши (қон 
кетиш, нефроз, шикастланиш ва оксил синтезининг бузилиши натижасида 
(гепатит) келиб чикиши мумкин. Кўрсатилган бузилишларни оқибатида 
кўпинча манфий азот баланси (овкат билан кабул килинган азотдан 
экскретлардаги азот миқдорининг фарқи манфий бўлиши) билан кечадиган 
иккиламчи (ёки эндоген) оксил етишмовчилигиҳисобланади. 
Узоқ давом этган оқсил етишмовчилиги ҳар хил аъзоларда оқсил 
биосинтезининг бузилишини чақиради. Бу эса ҳар хил турдаги 
алмашинувнинг паталогик ўзгаришга олиб келади. Айникса оксил 
етишмовчилиги болаларда огир кечади. 
Овкат билан оқсилнинг етарли микдорда тушишига карамасдан оксил 
алмашинуви бузилиши натижасида ривожланадиган умумий оксил 
етишмовчилиги шартли равишда куйидагилар билан богланган бўлиши 
мумкин: 
1. О И И да оксил парчаланиши ва сўрилишининг бузилиши. 
2. Аъзо ва тўқималарга аминокислоталар киришининг секинлашуви. 
3. Оксил биосинтезининг бузилиши. 
4. Аминокислоталар оралиқ алмашинувининг бузилиши. 
5. Парчаланиш тезлигининг бузилиши. 
6. Оксил алмашинувида ҳосил бўлган охирги моддалар патологияси.